Млад кромид во овој период има во изобилство и штета е да не се искористи можноста зашто е богат со витамини и минерали, и одличен е во заштитата на здравјето. Има антибактериски својства, па штити од воспаленија, помага при настинки, а одличен е и за подобрување на варењето. Зелениот дел од младиот кромид никако не треба да се фрла зашто во него има состојки кои се одлични за нашето здравје.
Зошто е добро да се консумира секој ден?
Го штити срцето – полн е со антиоксиданти кои ги штитат клетките во телото од оштетувања предизвикани од слободните радикали. Освен тоа младиот кромид го држи крвниот притисок во границите на нормалата и го намалува ризикот од создавање згрутчувања.
Добар е за видот – штити од воспаленија и го намалува ризикот од болести на мрежницата. Содржи витамин А, кој е важен за производство на протеин во очите, заслужен за добар вид. На луѓето на кои им недостасува овој витамин можат да патат од ноќно слепило и други пореметувања. Едно лукче содржи околу 3 проценти од дневните потреби за витамин А.
Ги зајакнува коските – витамините Ц и К со кои изобилува младиот кромид се добри за заштита на коските. Само едно кромитче содржи околу 20 проценти од препорачаната доза на витамин К и околу 2 проценти витамин Ц. И едниот и другиот се важни за густината и цврстината на коските. Недостатокот на овие витамини ја зголемува шансата за развој на остеопороза и кршења.
Го намалува холестеролот – особено неговиот зелен дел кои некои луѓе го фрлаат, а подобро би било да го изедат. Освен што го намалува нивото на лош холестерол во крвта помага и во регулирање на нивоата на шеќер.
За поубава кожа – му помага на телото во производство на колаген кој е важен за убава, здрава и затегната кожа. Колагенот е заслужен за забавување на создавањето на брчки на лицето и го има во многу козметички препарати.
