Познатите дами од светот на шоу-бизнисот многу внимаваат на својот изглед, иако често слушаме дека за него е „виновна“ генетиката – но не е баш така! И тие се мачат за да бидат совршени, понекогаш дури и претеруваат во намерата, па дури и прават непромислени работи.
И да, кога е во прашање исхраната, тука дефинитивно целта не ги оправдува средствата. Ова се само некои од примерите како НЕ треба!
Адријана Лима открила дека девет дена пред своите најважни, годишни ревии живее само на течности, а 12 часа пред шоуто престанува да пие и вода за да ја симне тежината која ја добива од водата.
Мадона повремено е на извесна воздушна диета. Овој режим на „исхрана“ подразбира држење на храната во раката, ама држење – не јадење!
Познатата актерка Џенифер Анистон има обичај да го прескокнува појадокот и место храна да консумира само цеден сок од портокал. Таа се колне дека во тоа е тајната за витката линија, а за инает на сите кои тврдат дека појадокот е најважниот оброк во денот.
Риси Витерспун е обожавател на храната за бебиња! Нејзината диета подразбира консумирање храна за бебиња место појадок и ручек, додека вечера нормален оброк – за возрасни!
Пред снимањето на филмот „Dreamgirls“, Бијонсе морала да ослабе, па почнала со диета која траела 14 дена: „Живеев на јаворов сируп, вода и лути пиперчиња. Секој ден бев се потенка и потенка, а луѓето ме прашуваа дали ми е добро – верувајте ми, не ми беше!“
Меган Фокс во една прилика изјавила дека единствен начин да остане витка е пред секој оброк да испие комбинација од јаболков оцет и вода.
Додека го снимала филмот „Cold Mountain“, Никол Кидман била на диета – тврдо варени јајца. Не е претерано комплицирана, а не е ни здрава! За појадок јадела по 1 варено јајце, а навечер две до три.
Кејти Холмс еднаш решила да ослабе така што појадувала супа од морков, а ручала и вечерала свежа брокула!
И на крајот може да се заклучи дека триковите на повеќето познати дами всушност се сведуваат на НЕ јадење! Затоа нивните режими на исхрана нека бидат всушност примери за тоа како НЕ ТРЕБА!
