Во пресрет на топлите денови сите сакаме да изгледаме убаво, особено кога зимската облека ќе ја замените со лесна летна облека, а особено кога нашето тело треба да го покажеме на плажа во бикини. Еден од главните проблеми кој ги преокупира припадничките на понежниот пол е кожата како кора од портокал локализирана најчесто во пределот на бутовите, задникот, стомакот и натколениците. Тоа е добро познатиот целулит, една од најчестите болести на денешното време.
спец. дерматовенеролог
– Оординација Д-р. Анчевски
Што претставува целулитот?
Во основа на патологијата на целулитот лежи заболување на сврзното ткиво на кожата кое поради слабиот квалитет лесно распукнува, па масните клетки кои лежат под него на места го потиснуваат или, пак, пробиваат низ него создавајќи мали перничиња на масни клетки кои на површината на кожата и даваат набран и груткаст изглед. Истовремено постои и нарушување на циркулацијата при што постои задршка на вода во кожата со отежнато отстранување на токсините.
Иако целулитот може да се појави кај двата пола, тој е почест кај женскиот пол, така што скоро 80-90 % од постадолесцентните жени кога-тогаш во животот ќе се соочат со овој проблем. Ова главно се должи на разликите во градбата на масното и сврзното ткиво кај двата пола. Масните клетки кај жените се со округла форма и се сместени поблиску до површината на кожата, додека кај мажите тие се со остри рабови и се наоѓаат длабоко во кожата така што скоро и не се гледаат, а уште помалку даваат набран изглед на кожата како тој кај целулитот.
Главни фактори за појава на целулит:
- Генетското наследување е еден од основните фактори кој ги одредува предиспонирачките фактори како полот, расата, бавен метаболизам, пореметена циркулација, поповршна локализација на масните клетки.
- Хормонални фактори – како можни учесници во формирањето на целулитот се спомнуваат естрогените, тироидните хормони, пролактинот, инсулинот и катехоламините адреналин и норадреналин.
- Животен стил – седентарниот начин на живот со слаба физичка активност, неправилната исхрана со премногу масти, шеќери, сол и алкохол, недоволен внес на течности, пушењето кое ги оштетува крвните садови и го слабее поткожното сврзно ткиво, стресот кој го покачува нивото на катехоламините спомнати како еден од факторите за појава на целулитот.
Тераписки можности за третман на целулит:
Антицелулитни масажи со антицелулитни креми во чиј состав честопати ќе сретнеме: витамин А, Л-карнитин, кофеин, АХА, витамин Ц, ретинол, аминофилин, коензим А, екстракт од бршлен, ДМАЕ антиоксиданс, и кои помагаат и во забрзување на циркулацијата и метаболизмот, лимфната дренажа и отстранувањето на токсините, но ефектот ќе биде незадоволителен. Една од најбараните комбинации со најдобар ефект во борбата против целулитот која се изведува во ординација д-р Анчевски е комбинација од ласерски третман и хемиска липолиза со:
- BTL Exilis –ласерски третман, апарат кој нуди уникатна двојна радиофреквентна технологија со која контролирано се загрева ткивото на 65°C на две различни длабочини. Апаратот има две сонди од кои со едната се постигнува на длабоките и површинските масни наслаги додека со другата се стимулира создавање на нов колаген со ефект на затегнување на кожата. Истовремено се подобрува локалната циркулација, се разградува фиброзното ткиво, се намалува отокот преку забрзување на дренажата на течности и токсини. Ова е неинвазивен метод, при кој се чувствува само топлина на местото. Се препорачуваат 6-8 третмани спроведени во 1 до 2 пати неделно.
- Мезотерапија за масни наслаги (липолиза) претставува метод со кој со помош на мали и тенки игли во кожата директно во масното ткиво се внесуваат коктели составени од состојки кои успешно ги разградуваат масните наслаги по хемиски пат и истовремено го забрзуваат локалниот метаболизам и циркулација за полесно нивно отстранување. Овој метод успешно ги топи локализираните масни перничиња и успехот е особено забележителен доколку се комбинира со некој од претходните два методи. Бројот на третмани се движи од 3-6 на растојание од 7-10 дена.
Пролетта е најпогоден период за отпочнување со кој било од третманите за отстранување на целулитот и масните наслаги и обликување на нашето тело бидејќи третманите бараат време за да го постигнеме саканиот ефект токму во периодот пред летните одмори.
