ГЕРМАНСКА СТУДИЈА: Што е најважно за да се спречи ширење на КОВИД-19 во затворен простор

“Јавните настани може да поттикнат ширење на патогените, но ако се почитуваат хигиенски мерки, ризикот е многу мал“, велат научниците.

Заштитните маски за лице и ограничениот број на лица се добри мерки, но технологијата на добра вентилација е многу поважна во намалување на ширењето на коронавирусот на јавни случувања во затворен простор, се тврди во нова германска студија.

Научниците кои учествувале во истражувањето велат дека резултатите се применливи и на сузбивање на епидемијата кај пошироката популација.

Околу 1.500 волонтери со заштитни маски и средство за дезинфекција на рацете, како и со почитување на физичко растојани, учествувале на концерт во Лајпциг во студија спроведена во август. Концертот бил одржан во затворен простор при што се мерело ширењето на вирусот во случак на поголемо групирање на луѓе.

Научниците симулирале три сценарија, варирајќи го бројот на посетители и фичичката дистанца. На тој начин создале комјутерски модел за да се анализира протокот на аеросолите од заразените виртуелни гледачи.

“За нас е најважно откритието колку во сето тоа е важна добрата технологија на вентилација, проветрување. Тоа е клучот за намалување на опасноста од инфекција“, вели Стефан Мориц, автор на студијата.

Научниците кои учествувале во истражувањето велат дека резултатите се применливи и на сузбивање на епидемијата кај пошироката популација.

Со студијата е утврдено и дека намалениот капациетот на доаѓање на посетителите, на повеќе влезови во салите, како и правилен распоред на седиштата имаат големо влијание на бројот на контакти меѓу луѓето.

Се препорачува храната да се консумира само седејќи, просторот за чекање да биде на отворено, маските да се држат на лице во текот на целиот концерт и да се проверува дали сите лица ги почитуваат хигиенските правила.

“Јавните настани може да поттикнат ширење на патогените, но ако се почитуваат хигиенски мерки, ризикот е многу мал“, велат научниците.