И што кога конечно ќе се вакцинирате? Ова се насоките што смеат, а што не смеат лицата кои примиле вакцина против КОВИД-19

Лицата кои се вакцинирани се заштитени и има сè повеќе докази дека тие не го шират КОВИД-19, но научниците сè уште се обидуваат да откријат колку трае заштитата по вакцинирањето.

Новите насоки на Американскиот центар за контрола и превенција на болести (CDC) велат дека лицата кои комплетно се вакцинирани против КОВИД-19, безбедно можат да посетат други вакцинирани лица и мали групи на невакцинирани во одредени околности, но се уште постојат важни безбедносни мерки на превенција.

Центарот за комплетно вакцинирани ги дефинира лицата кај кои поминале две недели откако ја примиле втората доза на вакцините на Модерна и Фајзер, или две недели по една доза вакцина на производителот Џонсон и Џонсон.

Лицата кои се вакцинирани се заштитени и има сè повеќе докази дека тие не го шират КОВИД-19, но научниците сè уште се обидуваат да откријат колку трае заштитата по вакцинирањето.

Во насоките се наведува дека нивото на мерки на претпазливост треба да се утврди според карактеристиките на невакцинираните лица кои остануваат незаштитени од КОВИД-19.

CDC вели дека целосно вакцинираните лица можат:

  • Да посетат други вакцинирани лица во затворен простор без маски и физичко дистанцирање
  • Да бидат во затворен простор со невакцинирани лица од едно домаќинство без маски и физичко растојание, доколку тие невакцинирани лица имаат мал ризик да развијат тешка форма на болеста
  • Да не бидат во карантин и да не се тестираат доколку се изложени на некој кој е позитивен на коронавирус и нема симптоми на болеста, но треба да ги следи симптомите 14 дена.

Сепак, луѓето кои се комплетно вакцинирани и натаму треба да преземат мерки на претпазливост.

Упатствата велат дека комплетно вакцинираните лица мораат:

  • Да носат маска и да одржуваат физичко растојание од невакцинирани лица кои имаат зголемен ризик од развој на тешка форма на КОВИД-19 или ако невакцинираното лице има член на домаќинство кој е изложен на поголем ризик.
  • Да носат маска и ода држуваат физичко растојание при посета на  невакцинирани лица од повеќе домаќинства.

Насоките велат дека ризикот од инфекција во социјалните активности како што е одење во теретана или ресторан е помал за комплетно вакцинираните, но, луѓето треба да преземат мерки на претпазливост бидејќи ризикот од пренесување во тие услови е поголем и колку е поголем бројот на невакцинирани.