Со оглед на тоа дека сите знаеме колку малите деца можат да бидат пребирливи, родителите често им даваат да јадат што било и се среќни кога ќе изедат барем нешто. Но нутриционистите велат дека ова е погрешен пристап, бидејќи се создаваат лоши навики во храната. Што не смее да им се дава на децата?
Газирани пијалаци
Познато е дека газираните пијалаци се штетни и богати со шеќер. Прекумерната консумација може лесно да доведе до развој на дијабетес тип 2 и да предизвика агресивно однесување.
Туна од конзерва
Рибата може да биде извонреден извор на протеини, здрави масти, витамини, минерали, па добро е децата што порано да се навикнуваат на неа. Сепак, некои риби треба да се избегнуваат, особена туната, која не треба да им се дава на децата поради високиот процент на жива која ја содржат.
Изотонични пијалаци
Нема никаква причина да им се дава овој вид на пијалак на децата. Тие се наменети за луѓе по тежок физички напор или тренинг, за да ги вратат изгубените електролити и да го поттикнат обновувањето на мускулите што е можно побрзо. Дури и ако детето доаѓа од вежбање или слично, водата ќе му биде сосема доволна.
Свежо кравјо млеко
Постои верување дека свежото кравјо млеко е поздраво и похранливо отколку пастеризираното, но сепак е многу ризично за дигестивниот систем на децата. Непастеризираното млеко е поризично за развој на бактерии кај децата, бидејќи нивниот имунолошки систем не е толку развиен како кај возрасните, тврдат нутриционистите.
Мед
Медот е еден од најздравите производи што ги знаеме. Сепак, на децата на возраст под две години не треба да им се дава мед, советуваат докторите, бидејќи може да содржат бактерии кои предизвикуваат ботулизам, потенцијално смртоносна болест.
