Емотивна приказна: Како е да се има брат со аутизам?!

Врз основа на Резолуцијата на ОН од 2007 година, 2 април е прогласен за Светски ден на аутизмот. Погледнете го ова емотивно видео токму во чест на Светскиот ден на аутизмот:

„Дечки ова е кусо видео кое го направив, а со кое сакав да покажам како е да се има постар брат со аутизам. Се надевам дека ќе уживате и ќе видите колку сум благословен што го имам Мичел за брат. Го сакам до смртта и сакам секој да види колку неверојатнa е нашата врска. Секој случај на аутизам е различен, не секоја личност со аутизам е како мојот брат. Ова видео зборува за мојата лична врска со мојот брат“, вели 20-годишниот Спенсер Тими, кој сакал со ова видео да им одговори на сите прашања кои ги добива секојдневно за тоа како е да се има брат со аутизам.

Вели, тешко е, фрустрирачки и поразлично. Иако има постар брат од него не добива совети, не зборуваат за девојки, не му купува алкохол. Но вели имаат уникатна врска, силна врска и тој му е најважната личност. Секогаш ќе го заштитува, затоа што тој му е брат.

„Тој има способност сите околу себе да ги направи среќни. Тој ме прави подобра личност. Секојдневно учам од него. Мичел фала ти што си ми брат и најдобар пријател“, додава Спенсер.