Ако имате дијабетес или предијабетес, контролата на шеќерот во крвта е најважната задача. Ако тоа не се прави како што треба, постојат шанси кај вас да се развие болест на бубрезите, срцето или губење на видот, што често ја следат оваа состојба.
За среќа може да го контролирате шеќерот во крвта преку лекови, физичка активност и консумирање на правилна храна. Важно е да се напомене дека не постои напивка или намирница кои сами ќе помогнат при контрола на шеќерот, всушност се работи за целокупен начин на исхрана, при кој одредени намирници ќе се избегнуваат, а некои ќе ссе користат во поголеми количини.
Нутриционистката Ејми Гудсон, вели дека сепак некои напивки може да помогнат при контрола на глукозата во крвта, а се работи за обично кравјо млеко.
“Вистина е дека многумина ќе пијат многу засладени напивки, газирани или не, кафе или веќе подготвени овошни сокови кои се полни со шеќери. Но, во случај кога го контролирате шеќерот во крвта, треба да консумирате напивки кои се комбинација на јаглехидрати и протеини и тоа се смета за есенцијален начин на одржување на здраво ниво на шеќерот во крвта“, објаснува Гудсон.
Протеините ќе ја забават дигестијата и брзо ќе ве заситат, а и ќе останете сити подолго. Нивото на шеќерот нема да се менува. Иако водата е одлична напивка за здравкето, нема да влијае на контролата на шеќерот во крвта, додава нутриционистката.
Комбинацијата на протеини и јаглехидрати е она што го прави кравјото млеко одлична напивка за сите кои страдаат од дијабетес или се плашат дека може кај нив да се развие.
Резултатите од студијата објавена во списанието Diabetes Metabolism Research and Reviews откриваат дека пиењето млеко не само што ќе помогне да се контролира шеќерот во крвта, туку ќе ја подобри и инсулинската резистенција.
“Со 12 грама јаглехидрати или 8 грама квалитетни протеини во мала порција млеко ќе ви помогне да го контролирате гладот и да немате желба за нездрава храна која ќе ја наруши рамнотежата во организмот. Притоа содржи 13 есенцијални хранливи материи вклучувајќи калциум, витамин Д и Б и селен. Значи, покрај контрола на шеќерот во крвта, во организмот ќе внесете голем број на здрави нутриенти“, заклучува Гудсон.
Сепак, кравјото млеко може да има мешани ефекти врз лицата со дијабетес, и тоа зависи од неколку фактори:
Потенцијални придобивки:
- Извор на хранливи материи: Кравјото млеко е добар извор на калциум, витамин Д, и други важни хранливи материи.
- Протеини: Протеините во млекото можат да помогнат во стабилизација на шеќерот во крвта кога се консумираат со јаглехидрати.
Потенцијални ризици:
- Содржина на шеќер: Кравјото млеко содржи лактоза, природен шеќер кој може да влијае на нивото на шеќер во крвта. Затоа, е важно да се следи количината на консумирано млеко.
- Мастите: Целосното (полномасно) млеко содржи заситени масти кои можат да ја зголемат инсулинската резистенција. Опцијата за нискомасно или обезмастено млеко може да биде подобар избор.
Совети:
- Умерена консумација: Консумирајте го кравјото млеко во умерени количини и како дел од балансирана исхрана.
- Алтернативи: Разгледајте алтернативи како бадемово, соја или овесно млеко кои обично содржат помалку шеќери и масти.
Консултирајте се со лекар или нутриционист за персонализирани совети и за да се осигурите дека млекото (и млечните производи) се вклопуваат добро во вашата исхрана.
