Хемороидите се всушност растегнати и отечени крвни садови (кои секако се присутни), а се појавуваат како последица на зголемен притисок и ширење на вените во околното ткиво. Притисокот во хемороидалниот плексус е последица на напнување при празнење на цревата (како последица на запек), или многубројни други причини. Хемороидите се делат на внатрешни и надворешни. Инфекцијата на хемороидите може да предизвика сериозни компликации.
Станува збор за проблем кој засега се поголем број на Македонци (дури околу 40% од популацијата), а со оглед дека се работи за еден вид на табу тема, многумина се срамат да зборуваат за тоа и да побараат помош, а сите кои ги искусиле знаат дека симптомите воопшто не се пријатни. И во овој случај многу е поважно да се спречи, отколку да се лекува, па затоа повнимавајте на навиките кои можат да ги предизивикаат, а никако не заборавјте на правилната исхрана и хигиена.
ДИГАТЕ ТЕШКИ ПРЕДМЕТИ
Можеби мислите дека тој потег е оправдан, но не е паметно да се дига кревет со една рака за да ја соберете прашината. Притисокот што тогаш го чувствувате во рацете и грбот се јавува и на цревата што може да прдизвика крвните садови да се прошират како балон, објаснува д-р Дарен Бренер, професор по гастроентерологија. Што следно ќе се случи? Хемороиди. Може да ги намалите шансите за појава на хемороиди ако потешките работи ги подигнувате правилно, не со една рака и не со грб.
ПРЕТЕРУВАТЕ ВО ТЕРЕТАНА
Од истата причина и интензивниот тренинг во теретана може да донесе хемороиди, особено ако дигате тешки тегови без внимание, додава д-р Бренер. Јасно е дека сакате да докажете сами на себе, но внимавајте да не правите нешто што не е еднакво со вашите можности или да користите тегови кои не се соодветни за вас.
ИМАТЕ ПРОЛИВ
Еден од најважните причинители на проливот е пречестото одење во тоалет, иако веројатно мислите дека резултатот би требало да биде спротивен. Но, ако често сте во толает, тогаш логично е да повеќе време поминувате напнувајќи се додека седите на веце шолјата. Единствено решение во овој случај е да ја пронајдете причината што стои зад проливот, а може да се работи за вирус, лекови или некоја болест, но проблем може да биде и вашата исхрана.
НЕ СТЕ ФИЗИЧКИ АКТИВНИ
Сите знаат дека физичката активност е од голема помош при превенција на разни болести и состојби, исто како и одржувањето на здрава телесна тежина. Но, дали знаете дека еднакво ќе ги намалите шансите токму вам да ви се појават хемороиди?
“Редовната физичка активност, околу 30 минути во денот, помага при регулирање на работата на цревата“, додава д-р Бренер.
Но, тоа не е единствената причина. Студија објавена во списанието International Journal of Colorectal Disease открила дека индексот на телесна маса и хемороидите имаат некаква поврзаност. За секоја точка на зголемување на индексот, возрасните лица имале околу 3,5% поголеми шанси дека ќе имаат проблеми со хемороиди. Вишокот килограми создава притисок на аналното подрачје.
БРЕМЕНИ СТЕ
Бременоста е посебен период во животот на жените, но понекогаш и не е така гламурозен.
“Бременоста доведува до притисок на цревата и стомачната шуплина поради зголемување на матката и растот на бебето, што може да биде непријатно за некои жени, а голем дел за жал ќе имаат и проблеми со хемороиди и откако бременоста ќе заврши“, вели д-р Бренер.
Едно истражување потврдило дека околу 41% од жените имаат хемороиди, а особено се често во последното тримесечје и месецот по породувањето.
ЛЕКУВАЊЕ НА ХЕМОРОИДИТЕ
Лекувањето на хемороидите, како и секое друго лекување, се разликува во зависност од степенот на развој на болеста. Во поблаги случаи, се спроведува конзервативен третман, чија основа е промена на навиките во исхраната, регулирање на празнењето на цревата, анална хигиена и во краен случај, амбулантски процедури. Во потешки случаи, потребно е оперативно лекување и хируршки зафат. Иако хемороидите генерално не се опасни, на луѓето кои забележуваат чести проблеми со хемороиди, а особено ако забележат крварење, им е потребен задолжителен медицински преглед. Во превенција на појавата на хемороиди и нивно успешно лекување исклучително се важни прехранбените навики и уредната хигиена.
