Германскиот епидемиолошки институт Роберт Кох, објави дека кај лицата кои примиле вакцина против КОВИД-19, нема никаков ризик од пренесување на инфекцијата.
“Кој е комплетно вакциниран, тој во иднина мора да се третира како и лицата со свеж негативен тест на коронавирус“, изјави министерот за здравство Јенс Шпан, за весникот Билд. Притоа, Шпан се повика на извештајот на државниот епидемиолошки институт Роберт Кох од кој произлегува дека кај лицата кои се комплетно вакцинирани, можноста за пренесување на коронавирусот е помала отколку кај лицата кои се тестирани дека се негативни.
“Според најновите сознанија, ризикот за пренесување на новиот коронавирус кај лицата кои се вакцинирани, најдоцна 15. ден по примање и на втората доза вакцина, е помал отколку кај лицата со негативен тест на коронавирус“, произлегува од извештајот епидемиолошкиот институт.
Според мислењето на тамошните експерти, лицата кои примиле и втора доза вакцина, треба да бидат ослободени од задолжителни тестови и карантин.
