Американските научници од Универзитетот Вирџинија – Центар за рак откриле дека нарушената рамнотежна на цревната микрофлора може да ја зголеми агресивноста на ракот на дојка кој е позитивен на хормонските рецептори, така што тој станува инвазивен, односно побрзо се шири на другите органи.
Нарушената рамнотежа на цревната микрофлора резултирала со системско воспаление, како и со воспаление внтаре во ткивото на дојката. Во такво опкружување, туморските клетки многу повеќе се дисеминирале од од ткивото, во крвта и во белите дробови.
Се смета дека резултатите од оваа студија докажуваат директен ризик од ефектот на цревниот микробиом на агресивната конверзија на ракот на дојка.
Карциномите позитивни на хормонските рецептори или ракот на дојка кој расте по влијание на хормоните естроген и прогестерон, чинат околу 65% од сите карциноми на дојка. Овие карциноми се чувствителни на хормонална терапија и често имаат добар исход на лекување.
Исто така, ова истражување ја нагласува важноста на здравиот микробиом на цревата. Имено, многу аспекти на доброто здравје се поврзани со здравите црева. Здравата исхрана богата со влакна, во комбинација со вежбање и добар сон, допринесуваат за општо позитивно здравје и здрав микробиом, истакнуваат стручњаците.
