Бубрезите се исклучително важни за правилното функционирање на организмот, ги елиминираат токсините, неопходни се за раст на коските бидејќи го регулираат нивото на калиум и фосфор во крвта, кои се основата на нивната структура. Тие исто така го активираат витаминот Д од храната со тоа што го претвораат во калцитриол, кој помага во формирањето на коските. Бубрезите ќе го регулираат и крвниот притисок, што е важно за одржување на здравјето на срцето.
Низ нив дневно поминуваат 180 литри крв. Тоа значи дека нашата плазма се прочистува 60 пати во еден ден. Од оваа огромна количина, 99% се враќа во циркулацијата, а само приближно 1,5 литри се излачува во форма на урина. За среќа, нивното здравје можеме да го заштитиме само ако смениме некои навики кои им штетат, а целта е да се превенираат болести и да го одржуваме телото здраво.
- ПРЕМНОГУ ПРОТЕИНИ
Протеините се есенцијален дел од здравата исхрана, но ако бубрезите не работат правилно, премногу протеини може да им наштетат. Проверете кај вашиот лекар дали ова се однесува на вас, можеби ќе треба да јадете помали порции на протеини, а јајцата, рибата и јаткастите плодови се добри извори.
- ПРЕМНОГУ СОЛ
Кај некои луѓе поголемиот внес на сол може да го зголеми крвниот притисок и на тој начин да влијае на проблеми со бубрезите, но и да доведе до развој на камења во бубрезите. Билките, кои се богати со минерали, совршено ќе ја заменат кујнската сол. Освен што го подобруваат вкусот на храната, билките содржат и бројни лековити состојки кои го зајакнуваат имунитетот и го подобруваат варењето.
Наместо сол, можете да додадете оригано, босилек, копар, мајчина душица, рузмарин, нане, ловоров лист, жалфија, кардамон, магдонос, семки од целер, црн пипер… Вашето срце ќе ви биде благодарно за оваа промена.
- ПУШЕЊЕ
Ако пушите само неколку цигари дневно – и тоа е премногу, а до ден денес сите знаеме колку е опасен чадот од тутунот и за кардиоваскуларното здравје. Кога пушите, во телото се произведува креатинин, кој ќе го најде патот до бубрезите и негативно ќе влијае на нив. Болестите кои влијаат на функцијата на бубрезите, како што се дијабетесот и високиот крвен притисок, исто така се влошуваат од склоноста кон пушење цигари, а кај пушачите е поголема веројатноста да им биде потребна дијализа или трансплантација на бубрег, покажуваат истражувањата.
- ВНИМАТЕЛНО СО ТАБЛЕТИТЕ ПРОТИВ БОЛКА
Сите имаме навика да пиеме лекови против болки, но не сме свесни дека тоа може да биде штетно. Иако не се штетни доколку се користат во мали количини, долготрајната употреба на лекови против болки, особено во големи количини, има штетно влијание врз ткивото и структурата на бубрезите и може да го отежне протокот на крв во бубрезите. Студија објавена во New England Journal of Medicine открива дека во просек околу 5.000 случаи на бубрежна инсуфициенција во Америка се резултат на прекумерна употреба на некои лекови против болки. Совет е да се биде внимателен со консумирањето лекови, а паметно е да се разговара за тоа со доктор.
- ДОВОЛНО СОН
Спиењето е исклучително важна компонента на нашето здравје, а недоволното спиење нема да им го дозволи на вашите бубрези потребниот одмор што им е потребен за да го регенерираат целиот организам, вклучително и бубрезите. Според истражување спроведено на Универзитетот во Чикаго, луѓето кои спијат најмалку 7 часа секоја вечер имаат 19 отсто помали шанси да развијат бубрежна болест.
- ДЕХИДРАЦИЈА
Водата е неопходна за правилно функционирање на бубрезите, а ако често заборавате да пиете вода, може да дојде до дехидрација и со текот на времето да доведе до оштетување на бубрезите. Како да знаете дали пиете доволно вода? Во тој случај, урината ќе биде чиста и со светло жолта боја.
- АЛКОХОЛ
Ако користите алкохол во прекумерни количини, ризикувате бубрежна болест. Ако постојано го повторувате ова, лесно ќе се појават проблеми, како со бубрезите, така и со целокупното здравје.
