Бројни се здравствените состојби кои може да доведат до оштетувања на бубрезите. Високиот крвен притисок е на врвот на листата. Во ризичната група се и лица кои боледуваат од дијабетес тип 2, ако и оние кои во семејната анамнеза имаат болести на бубрезите.
Постојат некои вообичаени показатели дека бубрезите не работат како што треба, а овие се некои од нив.
Сувост и јадеж на кожата
Бубрезите извршуваат бројни задачи меѓу кои е и одржување на соодветна рамнотежа на хранливите состојки и минерали во крвта. Кога бубрезите се болни, оваа рамнотежа е пореметена, а еден од знаците може да биде сува кожа која чеша. Затоа, ако забележите вакви промени на кожата, а не мислите дека се работи за дерматолошки проблем, посетете го својот матичен лекар.
Замор и когнитивен пад
Доколку бубрезите не функционираат правилно во организмот почнуваат да се таложат токсини и други отпадни материи. Таквата состојба предизвикува замор и по умрена физичка активност. Голема е веројатноста дека ќе се јават и проблеми со концентрацијата, ако крвта е заситена од нечистотии кои поради ослабената работа на бубрезите, не успеале да се филтрираат.
Анемија
Физичката и менталната исцрпеност предизвикана од болест на бубрезите исто така може да биде поврзана со анемијата, која е една од компликациите поврзани со оваа состојба. Тоа е така, оти бубрезите, меѓу другото се задолжени за производство на хормони кои ја поттикнуваат коскената срж да произведе доволно црвени крвни зрнца задолжени за пренос на кислород низ телото.
Потешкотии со спиењето
Лошто функционирање на бубрезите доведува до таложење на токсини во телото, а таквата состојба предизвикува пореметување во спиењето, а стручњаците го поврзуваат и со апнеа во сонот.
Нагласена потреба за уринирање
Кога бубрезите се болни, тие не знаат кога треба да престанат да издвојуваат вода од крвта. Поради тоа, не е необично кога лицето кое има болни бубрези често има потреба за мокрење. Ова најчесто се случува во вечерните часови, што го попречува мирниот сон, а еден од знаците дека оваа состојба е поврзана со бубрезите може да биде урина која е пенлива.
Отечени стапала и зглобови
Кога бубрезите се болни, постои голема веројатност дека во телото ќе се наталожи вишок натриум. Тоа повторно предизвикува задржување на вода во организмот, што резултира со отекување на стапалата, зглобовите, па дури и делот околу очите. Задржувањето течности кај лицата со болни бубрези може да предизвика висок крвен притисок.
