Седумгодишниот Чејс и неговиот четиригодишен брат Феникс имаат дијагноза аутизам, а нивната мајка се уште ги дои без оглед на нивната возраст, бидејќи, како што вели, доењето ги смирува.
„Кога беа помали, тоа беше нормално на секои неколку часа, но сега најчесто ги дојам само пред спиење“, изјавила нивната мајка.
Лиза Бриџер за „Дејли мејл“ признава дека децата не бараат да цицаат во јавност, но се потсетува дека за време на еден одмор го доела Чејс во јавност само за да го смири, а неколку луѓе дошле и и рекле „браво“.
„Тоа навистина беше убаво. Луѓето обично не ви приоѓаат во живо и не велат ништо, но на интернет знае да биде лошо. Луѓето пишуваат секакви работи. Ми кажуваат дека децата треба да јадат од шише, дека тоа не е добро за нив, дека сум требала да престанам после првите шест месеци, но ние имаме свои начини со кои се справуваме со аутизмот. Понекогаш е доволно само прегратка или нешто за да се одвлече вниманието, но понекогаш тоа не е доволно“, вели Лиза, која е мајка на пет деца.
Семејството дури купило и животни како утеха за момчињата – куче и две мачки.
„Тие ја користат и трамбулината како механизам за смирување“, вели Лиза.
По објавувањето на приказната на оваа мајка од Аделаид, Австралија, се огласил и социјален работник, кој изјавил дека тоа е злоупотреба на децата.
Со свој став се јавило и Австралиското здружение за доење, кое, пак, тврди дека нема ништо лошо во тоа и дека децата сами ќе се одвикнат од доењето кога ќе дојде време за тоа.
