Модринката е одраз на помала повреда на крвните садови под површината на кожата, а доколку се случи оштетување, може од неа да се излие помала количина на крв, што за резултат дава добро позната виолетово-зелена-црна модринка.
- ЖЕНА СТЕ
“Не е фер, но е вистина. Жените многу полесно “заработуваат“ модринки од мажите. Мажите имаат подебела кожа и повеќе колаген, што делува како подобра заштита на крвните садови од повреди“, вели д-р Кори Фишер, семен лекар во клиниката Кливленд.
- СТАРЕЕТЕ
Со страеењето, кожата се истенчува, а крвните садови се попроѕирни, што може да предизивка модринки кои не сме ги очекувале. Како кожата се истенчува, така се губат колагенот и маснотиите кои ги штителе крвните садови. Крвните садови ја губат и еластичноста, па полесно се оштетуваат.
- КОРИСТИТЕ ЛЕКОВИ ЗА РАЗРЕДУВАЊЕ НА КРВТА
“Овие лекови се користат за лекување на аритмии и крвни згрутчувања и тоа е едноставно објаснување на необјаснивите модринки“, појаснува д-р Фишер и напоменува дека прична може да бидат и други лекови кои го имаат истиот ефект, како аспирин или ибупрофен.
- ЗЕМАТЕ АНТИДЕПРЕСИВИ
Некои студии докажале дека лековите кои се користат за лекување на депресија и слични нарушувања, може да влијаат на процесот на згрутчување на крвта, истакнува д-р Фишер.
- НЕДОСТАТОК НА ВИТАМИНИ
Недостатокот на витанините Ц и К, може да предизивикаат ненадејна појава на модринки.
