Сколиоза или искривување на ‘рбетот е состојба во која ‘ рбетот е закривен на страна, често во облик С или Ѕ. ‘Рбетот најчесто ротира околу својата оска, што предизвикува дел од грбот да е загрбавен.
Причини за сколиоза
Причината многу често не е позната и оваа форма се нарекува идиопатска сколиоза.
Но, постојат и облици на сколиоза кај кои причината е позната
Невромускулна кај пациенти со невролошки или мускулно-скелетни заболувања како што се:
церебрална парализа,
менингомиелокела
мускулна дистрофија
Резултатот е мускулен дисбаланс и намалена контрола на телото..
Конгенитална- вродена како последица на вродена асиметрија на пршлените. Обично може да се забележи пред десеттата година и често се појавуваат со вродени аномалии на други органски системи
Синдромска – се појавува како дел од синдромот на генетски нарушувања, како што Марфанов синдром, osteogenesis imperfecta, неврофиброматоза.
Ризик фактори
Возраст: Најчесто се случува во време на забрзан раст кај децата постари од десет години (85 отсто од случаите), но може да се појави кај помлади деца, а кај еден отсто од случаите се јавува кај деца под три години
Пол: Се појавува подеднакво и кај девојчињата и кај момчињата, но женските деца имаат десет пати поголем ризик од влошување на искривувањето
Сколиоза во семејството: Може да се појави кај повеќемина од исто семејство, но повеќето деца немаат историја на сколиоза во семејството
