Петминутно снимање на вратот може да предвиди деменција 10 години пред појавата на симптомите, покажува студија на научници од Лондонскиот универзитет, презентирана на конференција во Чикаго.
Мерењето на пулсот во вратот предвидува оштетување на мозокот кое предизвикува проблеми со помнењето и размислувањето во повозрасните години.
Студијата работена на 3.000 луѓе укажала на едноставно мерлив и потенцијално излечлив причинител на когнитивните проблеми во староста доколу симптомите навреме се забележат.
Лицата со најинтензивен пулс во делот на вратот имаат за 50 проценти поголема веројатност дека ќе патат од брзо пропаѓање на когнитивните способности во наредните 10 години. Доколку се повтори резултатот на студијата на поголем причинител, скенирањето на вратот би можело да стане рутински тест кој лекарите би им го препорачувале на лицата во средна возраст кои имаат поголем ризик за деменција.
Што може да се направи?
Пулсот е удирање во артериите кога срцето пумпа крв низ нив, а тие се еластични крвни садови кои спречуваат удирањето да стане пресилно. Кај старите лица и оние кои имаат висок притисок, крвните садови стануваат се потврди, а пулсот пресилен. Силниот пулс може да патува длабоко во нежните крвни садови кои го обезбедуваат мозокот, предизвикувајќи проблеми со размислувањето и потенцијално мали крварења познати како мини мозочен удар.
Снимањето на каротидите било правено со ултравук кој ги бележел звучните бранови кои се обиваат од крвните садови. Во периодот од 15 години учесниците во студијата биле следени за да се види нивната меморија и вештина на решавање на проблемите. Една четвртина од луѓето со најинтензивен пулс, на почетокот на студијата покажале 50 проценти поголема веројатност за забрзан проблем со когнитивните способности. Забележливо намалување на меморијата, користењето на јазикот, размисувањата и вештините на проценка се често првите сигнали на деменција иако симчптомите не секогаш задолжително доведуваат до оваа состојба.
Според проф. Метин Аквиран потребни се понатамошни истражувања за да се обиде да се утврди дали можат промените на начин на живот и примената на лекови да го намалат интензитетот на пулсот па така да се забави когнитивното пропаѓање.
