Доколку ви треба нешто против стрес, лошо расположение или умор или, пак, против вирусите кои само ги чекаат студените денови, арома терапијата можеби има решение за вас. Клучните прашања кои се поставуваат се – кои етерични масла помагаат кај кои проблеми и како е најдобро да се користат?
При вознемиреност, несоница или мигрена може да помогне маслото од лаванда, додека маслото од нане го ублажува уморот и главоболката и ја подобрува концентрацијата. Етеричното масло од грејпфрут има антисептичко дејство и е идеално да се користи за освежување на воздухот во просториите за време на студените денови кога сме подложни на настинки. Маслото од еукалиптус, исто така, има антивирусни и антибактериски својства и помага кај респираторните инфекции. Конечно тука е и маслото од чајно дрво кое ако се користи за освежување на воздухот го намалува заморот и дава енергија, додека истовремено при топикална употреба може да помогне кај акни и габични инфекции.
За тегобите како што се нервоза, стрес, главоболка, лошо расположение, недостаток на енергија или превенција и олеснување на симптомите на респираторните инфекции, етеричните масла е најдобро да се користат во арома лампи или дифузери, а ако ги немате, можете едноставно да додадете неколку капки етерично масло по избор во чинија со 500 мл врела вода и да го ставите садот централно во просторијата, но далеку од дофат на децата и домашните миленици.
