Шеќерната болест е едно од најмасовните страдања на современиот човек, која лесно се дијагностицира и со правилна едукација одлично се превенира и се контролира. Овој прирачник, пред сé, е наменет за лицата со дијабетес и нивните најблиски, како и на стручните медицински лица кои се занимаваат со нивната едукација. Книгата ја препорачуваме и за студентите, како и за лекарите кои започнуваат да се занимаваат со дијабетес, за полесно стекнување на практични сознанија.
Шеќерната болест или Дијабетес мелитус (Diabetes mellitus) претставува хронична, или, би рекле, уште и доживотна болест, што се одликува со нарушување, пред сѐ, на метаболизмот на јаглехидратите, но и на мастите и протеините и со специфични промени на крвните садови.
Витамини
Нашето поднебје изобилува со првокласна и природна храна, особено со овошје и со зеленчук (што треба да ги јадете свежи, сурови и по можност, што помалку варени или приготвувани на кој било начин) што ги има во текот на целата година.
Употребувани витамини:
Кај дијабетесот најмногу се употребувани следниве два витамина:
• витамин Ц во дози до 1 грам дневно, најдобро формата што бавно се ослободува во текот на 24 часа, и
• витамин Е во дози од над 300 мг.
Овие два витамина, како и бета-каротинот, денес се значајни во најновите согледувања за нивното дејствување во разложувањето на т.н. оксидациони продукти на метаболизмот т.е. материи што се директно штетни за клетките и спаѓаат во групата на т.н. антиоксиданси. Но, за жал, нивното дејство кај дијабетесот не е потврдено или докажано.
Денес кај дијабетесот се препорачуваат препарати на фолна киселина, само кај бремени жени со дијабетес.
Колку калории дневно треба да внесете?
– Нормално хрането лице кое извршува нормална физичка активност дневно треба да внесе по 25 калории на килограм телесна тежина.
– Натхрането лице дневно треба да внесе до 18 калории на килограм телесна тежина, и
– Потхрането лице треба да внесе до 30 калории на килограм телесна тежина.
– Сите треба да се придржуваат кон споментиот состав на основните материи.
(продолжува)
