Темното чоколадо може да предизвика исто чувство како и консумирањето канабис?!

Група британски научници дошла до едно интересно откритие - темното чоколадо содржи психоактивна состојка која создава исто чувство како и користењето канабис.

Познато е дека темното чоколадо има бројни предности, но група британски научници дошла до едно интересно откритие – темното чоколадо содржи психоактивна состојка која создава исто чувство како и користењето канабис. Се работи за фенилетиламин, невромодулатор кој помага во регулирање на расположението.
Во склоп на студијата спроведена над 13 626 лица се покажало дела оние кои изеле само 15 грама темно чоколадо имале за 70 отсто помала веројатност да пријават симптоми на депресија. Освен тоа сложените комбинации на флавоноиди во темното чоколадо можат и да помогнат во борбата против депресијата.

Авторката на истражувањето д-р Сара Џексон вели дека сепак се потребни дополнителни истражувања за да се разјасни ваквата причинско-последична врска.
„Би можело да се случи депресијата да предизвика губење на интерес за консумирање на чоколадо помеѓу луѓето, а можеби постојат и некои други фактори поради кои луѓето помалку консумираат темно чоколадо”, додава Џексон.
Сепак, мора да се напомене дека не треба да се претерува со чоколадото – консумирајте го во нормални количини и тоа нека ви биде десерт со кој ќе се почестите по здравиот и избалансиран оброк.