Шарените алишта најчесто ги переме на 30 или 40 степени, но по се изгледа ова е сосема погрешно, па дури може да биде и опасно. Повеќето луѓе сметаат дека високата температура може да ја упропасти ткаенината, па гардеробата ја перат на пониски температури, но микробиолозите предупредуваат дека со тоа многу грешиме и дека тука се крие опасност.
Посебно е опасно да се пере облеката на температура од 30 степени затоа што многу бактерии, вклучително и ешерихија коли, лесно може да ги преживеат тие услови.
Температурата од 40 степени важи за гранична што се однесува до убивањето на бактериите, па микробиолозите објаснуваат дека ако сакате да бидете сосема сигурни, секогаш треба да ја подесите температурата на 60 степени.
