Нос што чеша, уморни очи, сува уста… сите постојано го допираме лицето со раце без да размислуваме што можеме да си направиме на тој начин. Ако не сте знаеле, оваа активност го зголемува ризикот од инфекции со бактерии и вируси, а посебно со новиот коронавирус.
ПРЕНОС НА ИНФЕКЦИЈАТА
Според пишувањата на Центарот за превенција и контрола на болести, новиот коронавирус се пренесува од лице на лице, како и многу други респираторни болести, по капков пат или со пренос на вирусот од рацете во очите или устата. И додека можеме да избегнуваме заразени лица, тешко е да се избегне вирусот ако се наоѓа на површините.
ЛИЦЕТО ПОСТОЈАНО ГО ДОПИРАМЕ СО РАЦЕ
Научниците кои го проучувале ова однесување истакнуваат дека сите го прават ова и го прават постојано. Во една студија биле следени 10 лица, и тоа кога биле сами во својата канцеларија, во период од три часа, по што било заклучено дека за само 60 минути просечно го допираме лицето 16 пати.
Во друга студија, биле следени студенти од Австралија, кај кои биле евидентирано дека лицето го допираат 23 пати во тек на еден час, и тоа 12 пати носот или устата, што е најлесен пат за влез на вирусот во организмот.
“Кога активно работат, луѓето често тресат со ногата, играат со косата, но и го допираат лицето. Важно е да се знае во кои ситуации најчесто ја повторуваме оваа грешка, за да може да ја избегнеме, а тоа е додека телефонираме, седиме на состанок…“, појаснува проф. Алекс Димитриу, шеф на одделот за психијатрија во болница во Калифорнија.
МИЕЊЕ РАЦЕ
Јасно е дека миењето раце е исклучително важно, но тоа може да помогне само ако веднаш по него се допира лицето со раце, но што ако во меѓувреме сме допреле нешто друго? Тогаш е исто како да се немиени.
Според стручњаците, правилното миење раце се состои од:
- Вода
- Сапун
- Триење
- Испирање
- Сушење
Сепак, толку често го допираме лицето со раце, што шансите да ги извалкаме рацете во меѓувреме се многу големи – потребно е само да се допре површина и веќе не сте безбедни.
ОСЛОБОДЕТЕ СЕ ОД НАВИКАТА
Клиничкиот психолог, Закари Сикора, нуди неколку трикови кои ќе помогнат да не го допирате лицето со раце толку често, додека се уште постои страв од зараза со коронавирусот.
“Бидете свесни во намерата да рацете ги држите подалеку од лицето, само една куса пауза може да помогне да бидете малку посвесни за своите раце и што правите со нив“, советува тој и додава дека може да имате и мали потсетници на работната маса, како листови во боја.
Исто така, тој советува да ги ангажирате рацете подалеку од лицето или на масата да ставите гел за дезинфекција да ве потсетува дека не смеете да ги доближувате до лицето.
“Ракавици може да носите во јавност, каде шансите за зараза се најголеми. Извадете ги штом ја напуштите локацијата. Можеби звучи чудно, но ако носите ракавици по дома, таа навика исто може да ви помогне да не го допирате лицето“, советува Сикора.
