Многу невролошки пореметувања како мигрена, епилепсија, Паркинсонова болест и мултипла склероза имаат гастроинтестинални симптоми како што се дијареа, запек или потешкотии со дигестијата. Но, науката дури неодамна почна подлабоко да ја открива сложената врска на мозокот и дигестивниот систем, како телесно, така и психички.
Главниот комуникациски канал помеѓу мозокот и цревата е нервот вагус – најдолгиот мозочен нерв во телото.
Иако за него се зборува во еднина, станува збор за парен нерв. Почетокот му е во дното на мозокот, па низ вратот, градите и срцето се шири во абдоменот, допирајќи ги речиси сите витални органи на својот пат и влијаејќи така и на психичкото и на физичкото здравје.
Како вагусот влијае на зравјето?
Медицината се уште не знае колкаво е влијанието на вагусот, но она во кое е сигурна е дека има клучна улога во функционирање на парасимпатичниот нервен систем. Колку повеќе се стимулира вагусот (на пример, со длабоко дишење), повеќе се растоваруваме и опуштаме парасимпатикусот кој управува со дигестијата, го забавува срцевиот ритам и го намалува крвниот притисок.
Вагусот (нервот луталник) е спој помеѓу мозокот и цревата кои заедно управуваат со психата и со телото – влијаат на имунитетот, циркулацијата, срцевиот ритам, менталната состојба и на многу други нешта.
Што му штети на вагусот?
Силен физички и психички стрес може во голема мера да го проемети функционирањето на вагусот. На него влијаат и разни болести, лекови, инфекции и воспаленија во организмот. Кога вагусот не работи, доаѓа до проблеми со примарните функции како дишењето, спиењето, варењето на храната. Симптомите се гледаат на кожата, белите дробови и во дигестијата.
Освен тоа, отежнатото функционирање на вагусот може да доведе и до раст на бројот на лоши бактерии во цревата, што влијае на работата хипоталамусот, хипофизата и надбубрежната жлезда, што пак доведува во невродегенеративни промени и воспаление.
Лошото функционирање може да се манифестира и нив овие симптоми:
- Мачнина
- Повраќање
- Пролив
- Запек
- Проблеми со желудникот
- Рефлукс
- Анксиозност и депресија
- Дебелина
- Болка во абдоменот
- Губење на помнењето
- Главоболка психоза
- Температура
- Потење
- Замор
- Несоница
- Засипнатост
