Шизофренијата се јавува кон крајот на адолесценцијата, кај мажите најчесто околу осумнаесетите години, а кај жените околу 25. Во светот и кај нас, од оваа болест боледува нешто помалку од еден процент од населението.
Што е шизофренија?
Тоа е вид на психотично, хронично душевно пореметување. Често се случува тоа да е болест која трае цел живот и може значајно да го намали функционирањето. Дијагнозата за неа, по правило не се поставува само при еден преглед, или дури и по првата психотична епизода, по која лицето се опоравува. Дијагнозата се поставува на темел на детално земање податоци, клиничка слика и податоци добиени од околината, појаснува психијатарот д-р Игор Џирото.
Кој може да добие шизофренија?
За жал, и мажите и жените. Шизофренијата се јавува кон крајот на адолесценцијата, кај мажите најчесто околу 18., а кај жените околу 25. година.
КОИ СЕ СИМПТОМИТЕ?
Симптомите вклучуваат:
- Халуцинации
- Делузии
- Кататонија
Некои симптоми, како губење волја за секојдневен живот, може да имитираат депресија.
Како влијае на мислите?
Лицето со шизофренија иа проблем со организирање на своите мисли или воспоставување на логички објаснувања. Тоа може да слуша гласови, да гледа слики, или да верува дека некој друг ги контролира неговите мисли. Оваа болест, вели д-р Џирото влијае на човекот на различни начини, па така заболеното лице може да зборува без смисол или да измислува зборови. Може да биде раздразливо и да не покажува емоции.
Што ја предизвикува?
Науката се уште не ја знае причината. Гени, искуство, место на живеење… Се може да бдие причина. Теориите за причните вклучуваат и следење колку одредени делови од мозокот се активни и дали постојат проблеми со допаминот.
