10 најчести симптоми кои укажуваат на неизлечива болест

Цирозата е напредната болест на црниот дроб, а лицата со благ стадиум обично немаат симптоми, и со години изгледаат здраво.

Симтомите не се јавуваат веднаш на почетокот на болеста, туку најчесто кога таа е веќе напредната. Станува збор за неизлечива болест која исто така е причина за појава на карцином на црниот дроб.

Цирозата е напредната болест на црниот дроб, а лицата со благ стадиум обично немаат симптоми, и со години изгледаат здраво.

Често цирозата прв пат се открива преку рутински тест на крвта или преглед. Лекарот може да одреди еден или повеќе лабораториски тестови кои би можело да укажуваат на проблем со црниот дроб, како цироза. Со тетовирање во нехигиенски услови или полов однос може да се зарази со вирус на хепатитис Б и Ц, кои без правилно лекување може да доведат до цироза на црниот дроб. Втора можност лице да добие цироза е долготрајно прекумерно уживање во алкохолни пијалаци.

Она од што луѓето најмногу стравуваат се нетипични симптоми кои укажуваат на болест на црниот дроб, а често се занемаруваат или перцепираат како дел од некоја друга состојба која нема врска со црниот дроб.

Најчести симптоми на цироза се:

  • Замор, збунетост и губење на енергија
  • Лесно добивање модринки и крварење
  • Чешање на кожата
  • Жолта боја на кожата и очите
  • Собирање течности во абдоменот
  • Зголемена телесна температура
  • Губење на апетитот и телесна тежина
  • Појава на ангиом на кожата налик на пајак
  • Црвенило на дланките
  • Зголемени дојки кај мажите