11 докажани симптоми на КОВИД-19 кои не смеат да се игнорираат

Листата на симптоми константно ќе се проширува како ќе доаѓаат нови информации за болеста.

Списокот на докажани телесни знаци на болеста КОВИД-19 кој неодамна го објави американскиот Центар за контрола и превенција на болест (CDC, Centers for Disease Control and Prevention), опфаќа 11 симптоми. Зголемена температура, кашлица и краток здив беа првите три “официјални“ симптоми кои, кога вирусот SARS-CoV-2 почна да се шири, ги призна овој реномиран центар. Како напредуваа истражувањата, експертите го проширија списокот во април, а сега го надополнија со уште три телесни знаци, а тоа се затнат нос или течење на нос, мачнина или провраќање, како и пролив. Сите овие симптоми на новиот коронавирус, Светската здравствена организација ги идентификува уште во февруари.

СПИСОКОТ СЕ ПОДОЛГ

За симптомите од оваа листа се смета дека може да се појават два до 14 дена по изложување на вирусот, но списокот не го вклучува секој можен симптом на КОВИД-19. На пример, некои пациенти имале необичен кожен осип, а оваа појава се уште не е додадена на листата. Официјалниот список постојано ќе биде освежуван како ќе стигаат нови информации за оваа болест, а засега не него се ставени 11 симптоми.

Зголемена телесна температура и/или треска

Тоа е еден од најчестите знаци на КОВИД-19. Благо покачена температура се смета обаа над 37,2 степени, зголемена над 38 степени, а висока над 39.

Кашлица

Пациентите често суво кашлаат. Тоа значи дека со кашлањето не исфрлаат никаков секрет, слуз или плунка.

Краток здив

Вообичаен е кај тешките случаи на КОВИД-19. Може да варира во тежината – од задишаност при нормална активност (како одење по скали) до проблеми со дишењето и во мирување.

Замор

Може да се чувствувате исцрпени, поради борба на телото против вирусот. Тој напор не остава доволно енергија за вас, објаснуваат лекарите.

Зголемена температура, кашлица и краток здив беа првите три “официјални“ симптоми кои, кога вирусот SARS-CoV-2 почна да се шири.

Болки во мускулите и по телото

Ова е типичен симптом и на останатите вирусни инфекции, како грипот, а може да биде и директна последица на зголемената температура и треска, лекарите велат дека зголемената температура може да предизвика болки по целото тело, како дел од одговорот на воспалението.

Главоболка

Зголемената температура може да доведе и до долготрајни главоболки. А и останати пропратни појави на болеста, како што се лошо спиење, јадење помала колчина на хрна и недоволен внес на течности, може да предизвика тапа болка во главата.

Губење на осетот за мирис и за вкус

Губењето на осетот за мирис и за вкус беше истакнуван како необичен симптом на КОВИД-19, но таквата појава веќе е забележана кај лица кои заболуваат од вируси. Вирусите можат да предизвикаат воспаление на слузницата во ноздрите, поради тоа тие отекуваат и се менува способноста за чувствување на мирис и на вкус.

Болка во грлото

SARS-CoV-2 е респираторен вирус, што значи дека може да предизвика создавање на прекумерен мукус кој потоа од носот се слева во грлото. Со постојаното кашлање, оваа појава може дополнително да го иритира грлото.

За симптомите од оваа листа се смета дека може да се појават два до 14 дена по изложување на вирусот

Затнат нос или течење на нос

Тоа се чести симптоми и кај останатите вирусни респираторни болести, како грип или настинка. Кај КОВИД-19 затнат или нос кој тече може да се директна последица на отокот во ноздрите.

Мачнина или повраќање

Не е сосем јасно зошто доаѓа до мачнина или повраќање, но има повеќе теории. Може да бидат последица на зголемено слевање на секрет од респираторни патишта во желудникот, а може кај некои лица вирусот едноставно “така да се однесува“. Истражување објавено во American Journal of Gastroenterology  разгледува теорија според која овој вирус може да предизвика желудочни тегоби затоа што влегува во организмот преку рецептори кои ги има и во горниот и во долниот гастроинтестинален тракт, каде ги има и до сто пати повеќе отколку во дишните органи.

Пролив

Теориите за појавата на пролив се еднакви како и оние за појавата на мачнина или повраќање – можно е вирусот едноставно да се “насели“ во дигестивниот тракт кај одредена група на луѓе.

Според наведеното, може да се каже дека секој симптом во горните дишни патишта може да биде знак за КОВИД-19. Како тогаш можеме според течење на носот, кашлица и главоболка да распознаеме дали не мачи КОВИД-19, настинка или алергија.

“Никогаш нема начин да се разликуваат само по симптомите“, вели експертот за инфективни болести д-р Амеш Адаља од Центарот Џон Хопкинс.

Затоа тој предлага да поведете сметка за својата лична анамнеза  – ако никогаш не се имале дишни алергии, а сега одеднап ви се појават такви симптоми, треба повеќе да се загрижите за нив, отколку лице кое редовно минува низ сезонски алергии (иако тоа не значи дека и тоа не може да се зарази со КОВИД-19).

Алергиите, велат лекарот, не предизвикуваат зголемена телесна температура, но може да предизвикаат кашлица и главоболка. Покрај тоа, алергиите се развиваат постапно, со денови, па и недели, додека снаците на КОВИД-19 се појавуваат многу побрзо.