Италијанците и Шпанците познати се по попладневниот одмор, а придобивките од таа навика ја потврдиле и научниците. Неодамнешно истражување покажало дека дремка од 10 до 20 минути има многу позитивен ефект врз организмот. Ги засилува рефлексите, го подига нивото на енергија, го подобрува расположението и помнењето, и ги разбиструва мислите.
Некои стручњаци препорачуваат попладневната дремка да не биде подолга од 20 минути, бидејќи ако се продолжи за само 10 минути ќе ви биде тешко да се разбудите. Но, тоа не значи дека дремката која трае подолго од 20 минути не е корисна за здравјето. Напротив.
“Една студија покажала дека дремката која трае 45 минути, а настапила осум часа по утринското будење, ни дава сила и ја зголемува концентрацијата за идните осум часа активност“, вели д-р Лорен Мекинтер.
За да по попладневното спиење се чувствувате поодморени и подготвени за остатокот од денот и извршување на обврските, пробајте го следниот трик. Пред да заспиете испијте кафе. Телото треба за околу 20. минути да го апсорбира кофеинот. Точно толку колку што трае попладневната дремка.
Како полесно да заспиете?
- Следете го ритамот на телото. Помеѓу 14 и 17 часот природно е да ве фати замор
- Затемнете ја просторијата во која се наоѓате
- Истуширајте се со млака вода
- Пуштете пријатна, смирувачка музика или водена медитација која ќе ве успие
Зошто никако не може да заспиете?
Ако не ви доаѓа сон на очи, не форсирајте. Подобро тоа време посветете си го на себе, поминете го во медитација или во опуштање на друг начин. Легнете, затворете ги очите и бидете со своите мисли. Поврзете се со своите мисли.
По поладневниот одмор ќе се разбудите или ќе се чувствувате посвежи и подготвени за остатокот од денот.
