Скопје, 28 март, 2020 – Во земјава евидентирани се нови 18 случаи на пациенти со КОВИД-19, од кои најголемиот број се од Скопје. Според податоците, седум од новорегистрираните случаи се на возраст од 30-39 години, и четворица од нив се задржани во болница, додека останатите се пуштени на домашно лекување. Според направената епидемиолошка анкета, 11 лица имале контакт со веќе потврден случај на КОВИД-19 во земјава. Кај пет лица е регистрирано присуство на коморбидитети.
| Град | Број на заболени |
| Прилеп | 4 |
| Куманово | 2 |
| Тетово | 1 |
| Скопје | 11 |
| 4 | Кисела Вода |
| 2 | Гази Баба |
| 2 | Центар |
| 1 | Ѓорче Петров |
| 1 | Сопиште |
| 1 | Илинден |
Заклучно со 26.03.2020, пријавени се вкупно 219 пациенти со КОВИД-19
На ниво на општина на територијата на ЦЈЗ Скопје, пријавени се заболени лица во 10 општини, а најголем број на заболени се регистрирани во Карпош – 27.
Возраста на заболените се движи од 2 до 91 години (медијана – 44 години). Најголем број на заболени се на возраст од 30-39 години – 51 (23,3%) и 50-59 години – 50 (22,8%).
Од пријавените случаи, 48 или 21,9% се/биле хоспитализирани во текот на болеста, а 171 случај се на домашно лекување и во домашна изолација, асимптоматски или со полесна клиничка слика. Во однос на симптомите кои се пријавени кај заболените лица, најчесто се регистрирани кашлица (67,1%), температура (64,5%), слабост (30,3%), главоболка (26,3%), болка во грло (21,7%) и треска (20,4%), а 67 лица се без изразени симптоми.
Регистриран е 21 случај на заболување меѓу здравствени работници. Од овој број, 14 се заболени во болнички/ амбулантски услови.
Од позитивните случаи, регистрирани се 822 контакти кои се следат или биле следени во период од 14 дена. Од регистрираните, 186 случаи се со локална трансмисија.
