Доколку сакате да ослабете за почеток важно е да не си поставувате нереални цели. Како што вишокот килограми не сте го стекнале преку ноќ, така не е ни реално дека, на пример, за една недела ќе ослабете 10 килограми. Со преголемите очекувања најчесто доаѓаат и разочарувањата, па така важно е пред да се обесхрабрите и да се откажете од новиот режим на исхрана да ги земете предвид сите фактори кои влијаат на брзината на слабеење.
– За почеток личностите кои имаат поголем вишок килограми, побрзо ќе слабеат кога ќе почнат да водат сметка за исхраната и физичката активност, бидејќи поголема телесна тежина подразбира и поголема потрошувачка на калории.
– Големото намалување на дневниот внес на калории нема да го забрза процесот на слабеење, туку дури може да доведе и до губиток на мускулна маса. Постепеното намалување на калории (на пример, за неколку стотина калории дневно) ќе ви помогне полесно да се прилагодите на новите навики и на долги патеки ќе доведе до губиток на вишокот килограми.
– Задржувањето на течности може да го забави губењето на вишокот килограми – доколку внесувате доста сол, сосема е можно да задржувате вода во организмот. Кога ќе го намалите внесот на сол, може да дојде до брз губиток на килограми, што обично се случува на почетокот на диетата. Кога го губите вишокот течности и кога се забавува губењето на килограмите особено е важно да не се обесхрабрувате и да истраете во новите, поздрави навики.
– Дури и ако во текот на денот се правите како што треба, можно е да слабеете бавно. Имено, едно истражување покажало дека личностите кои навечер спијат само 5,5 часа во поголема мера задржуваат масни наслаги, а губат мускулна маса, за разлика од личностите кои спијат 8,5 часа. Недостатокот на сон, исто така, ја намалува способноста за носење исправни одлуки кога е изборот на храна во прашање, па како резултат на нерамнотежата на хормони кои ги регулираат гладот и ситоста се зголемува потребата за висококалорична храна.
