До 50-годишна возраст, околу половина од населението се сретнало со хемороиди, а чешањето е еден од симптомите на овој проблем. Хемороидите се поврзуваат со хроничен запек, пречесто извршување нужда или предолго седење во тоалет, што може да предизвика акумулација на крв во садовите во ректумот и избивање на хемороиди.
Тие се чести кај сите возрасни групи и ги зафаќаат двата пола. Некои од симптомите се чешање, болка, непријатност, нарушување на празнење на цревата и крварење.
Подигнување големи тежини, консумирање на храна која содржи малку влакна, јадење лута и зачинета храна, прекумерна телесна тежина, долго седење и напрегање при празнење на цревата се некои од навиките кои предизвикуваат хемороиди.
Исхраната игра важна улога во лекувањето. Потребно е да се јаде храна богата со растителни влакна, зелено овошје и зеленчук и да се пие вода. Важно е да се намали внесот на масна и пржена храна, како и кафе, што може да ја забави работата на цревата и да доведе до влошување на хемороидите.
Ако состојбата се влоши и не можете да направите ништо со промена на исхраната и домашни лекови, обратете се на лекар за помош.
