Панкреасот се наоѓа помеѓу желудникот, тенкото црево и ‘рбетот. Има двојна функција: егзокрина (произведува ензими кои ги излачува во цревото, а кои помагаат во разградување на храната) и ендокрина (лачи хормони како инсулин и глукагон) кои се важни во контрола на нивото на шеќерот во крвта). Поради наведените важни функции во организмот, многу нешта може да тргнат во погрешна насока ако панкреасот не функционира како што треба.
Ако првото нешто што ви паѓа на ум кога ќе слушнете панкреас е ракот на панкреасот, не сте единствените, бидејќи многу луѓе ќе почнат да размислуваат за овој орган кога ќе слушнат колку опасна болеста може да се појави, ако не се грижиме за неговото здравје. Станува збор за рак кој не е познат како најсмртоносен. А уште и ако знаеме дека во раната фаза, болеста често нема забележливи симптоми и дека често се открива многу доцна, причината за загриженост е валидна. Затоа е важно навреме да се препознае дека панкреасот не функционира правилно.
Има многу предупредувачки знаци, но никогаш не ги игнорирајте овие 5
- СТОЛИЦАТА ВИ ИЗГЛЕДА ЧУДНО
Ако останува на површината или ако има светла боја, тоа може да значи дека хранливите материи не се апсорбираат правилно. “Ензимите што ги произведува помагаат во разградувањето на мастите“, вели д-р Ендрју Хендифар, онколог. Покрај тоа што столицата може да изгледа поинаку, може да биде и многу мрсна, а тоа ќе го забележите на површината на водата каде што ќе се создаде филм сличен на масло, додава докторот. Овие промени не се секогаш причина за загриженост, но не заборавајте да разговарате за нив со вашиот лекар.
- ВИ БОЛИ СТОМАКОТ
Токму абдоминалната болка е чест симптом дека нешто не е во ред со панкреасот, може да биде во прашање силно и опасно воспаление, вели д-р Хендифар. Болката ќе се манифестира во зависност од состојбата која е во позадина, доколку забележите дека прво се појавува во средината на стомакот, а потоа се шири на горниот дел од грбот и не поминува неколку недели, ова може да биде и симптом на рак на панкреасот, објаснува д-р Тед Еперли, раководител на Одделот за општа медицина во болницата во Ајдахо.
Ако вашиот лекар веќе ви препишал лекови за овој проблем, а состојбата не се подобрува, задолжително известете го. Д-р Хендифар вели дека лекарите често мешаат овие симптоми со рефлукс или други гастроентеролошки заболувања. Докторот додава дека доколку има силна и ненадејна болка која се задржува во пределот на стомакот, тоа може да биде знак за акутен панкреатит. Не паничете, бидејќи многу медицински состојби можат да предизвикаат абдоминална болка, но секогаш е мудро да се консултирате со лекар.
- СЕ ПОЈАВИЛ ДИЈАБЕТЕС ТИП 2
Бидејќи панкреасот произведува хормони кои можат да помогнат во контролата на производството на инсулин и шеќер во крвта, кога тој не работи правилно, може да се појави дијабетес тип 2, вели д-р Хендифар. Ако сте здрави, вашата тежина е под контрола и се храните здраво, нова дијагноза на дијабетес може да ве поттикне да го прегледате панкреасот.
“Истото важи и за секој кој веќе има дијабетес и одеднаш има големи проблеми со контролирање на болеста без очигледна причина, а овие промени може да се поврзани со рак на панкреасот“,наведува докторот.
- ЧУВСТВУВАТЕ МАЧНИНА КОГА ЈАДЕТЕ ОДРЕДЕНА ХРАНА
Мачнина и повраќање се загрижувачки симптоми, особено ако се појават после јадење мрсна храна, вели д-р Хендифар. Болестите кои влијаат на панкреасот може да влијаат на способноста на организмот да ги разградува мастите, што доведува до мачнина.
“Исто како авокадото и јаткастите плодови, така на пример и хамбургерот може да биде тригер затоа што содржи маснотии. Пицата е исто така храна која пациентите со загрозен панкреас тешко можат да ја поднесат“, вели д-р Еперли и додава дека гадење и повраќање се јавуваат почесто кај панкреатитис отколку кај рак на панкреасот.
- НАГЛО ГУБЕЊЕ НА КИЛОГРАМИ
Како и секогаш, наглото слабеење без диета може да биде знак за посета на лекар. Ако почувствувате силна болка, ова губење на тежината може да биде поврзано со дигестивни проблеми поврзани со болести на панкреасот.
