Кога таа зборува, целиот свет слуша. Опра Винфри својот успех го гради на темелите на здравјето и благосостојбата, што вклучува голема борба, но и триумф за време на богатата кариера, која се уште трае. За магазинот „Вог“ Винфри ги споделува своите пет животни мудрости.
После години и години борба со килограмите, проблеми со тироидната жлезда и депресијата, Опра е во најдобра состојба досега, а на нејзината благодарност и нема крај. „Тешко е да бидеш тажен кога ќе се фокусираш на она што го имаш, наместо на она што го немаш“, вели Винфри, која ги открива своите лични филозофии кои ги следела за да го направи својот живот што подобар.
Мојата прва помисла наутро е: „О, жива сум! Ти благодарам!“
Клучот е во рамнотежата
„Можам да јадам што и да посакам, само не јадам се во исто време“, објаснила таа. „Тоа е моја животна филозофија: Може да имаш се. Само не во исто време.“
Сопствени стандарди на убавина
Вели дека зад себе ги оставила оние денови кога сакала да изгледа слабо и да „влезе“ во се освен во сопствената кожа. Го обликувала своето тело благодарение на Weight Watchers, чиј е и гласноговорник.
Секогаш земете си време за себе
Еднаш до двапати дневно, Опра наоѓа време само за себе, како што открива на својата интернет страница за трансцендентална медитација. „20 минути наутро, 20 минути навечер“, вели Опра.
Бидете благодарни од моментот кога ќе се разбудите
„Никогаш не го навивам алармот, не верувам во него“, открила Опра. „Премногу се … алармантни! Го замислувам бројот во главата и се будам пред него, главно околу 6:02 и 6:20, затоа што ги истрениравме кучињата на прошетка во тоа време. Мојата прва помисла наутро е: „О, жива сум! Ти благодарам!“
Живее само во сегашноста
„Диши. Издиши. И потсети се дека овој момент е единствениот кој сигурно го имаш“, додала Винфри на прашањето околу нејзиниот животен успех и среќа.
