СТУДИЈА: Дали изложеноста на УВ зраците е причина за разликата во бројот на смртни случаи од КОВИД-19

Тимот на британски научници го споредил бројот на смртни случаи поврзани со КОВИД-19 во САД во период од јануари до април 2020., со нивоата на ултравиолетово зрачење во речиси 2500 американски населби, а потоа истиот образец на истражување го применил во Британија и во Италија.

Податоците од тешко погодените земји со коронавирусот, како Велика Британија, Италија и САД, укажуваат на тоа дека во сончевите делови во тие земји се “воочени помалку смртни случаи од последици од КОВИД-19“, тврдат научниците од Универзитетот во Единбург. Резултатите од студијата објавена во стручниот весник на британските дерматолози упатуваат на тоа дека “поголемата изложеност на ултравиолетовото зрачење“, може да се поврзе со помала смртност од последици од КОВИД-19.

Тимот на британски научници го споредил бројот на смртни случаи поврзани со КОВИД-19 во САД во период од јануари до април 2020., со нивоата на ултравиолетово зрачење во речиси 2500 американски населби, а потоа истиот образец на истражување го применил во Британија и во Италија.

Во некои делови од споменатите три држави, евидентирани се најмногу смртни слуачи поврзани со пандемијата со коронавирусот на глобално ниво – и по глава на жител и во апсолутни вредности, но воочено е дека бројот на смртни слуачи опаднал за време на летните месеци.

За споредба, повеќето земји во Африка и Азија забележале релативно ниска смртност “per capita“ во тек на целиот период од пандемијата.

Еден од коавторите на истражувањето, Крис Дибен вели. “ Врската помеѓу смртноста од КОВИД-19, годишното време и географската ширина беше прилично очигледна,а во нашата студија се обидовме да понудиме алтернативно објаснување на овој феномен“.

Истражувачите велат во текот на студијата воделе сметка за потенцијалното влијание на витаминот Д на овој феномен. Овој витамин често се споменува како инхибитор на КОВИД-19, а се нарекува и “сончев витамин’, бидејќи човечкиот6 организам го произведува кога кожата е изложена на сончева светлина.

“Изложувањето на сонце може да го намали бројот на смртни исходи од КОВИД-19, независно од витаминот Д“, фвелат британските научници.

Некои понови откритија придонесуваат за важноста на теоријата дека времето поминато на отворено ја намалува веројатноста за инфекција со коронавирусот и развој на КОВИД-19.

Ирските здравствени власти во понеделникот објавија податоци дека само 0,1 процент од сите случаи на коронавируси во земјата можат да бидат поврзани со активности на отворено, иако голем број во моментов се забранети поради актуелното трето затворање.