Ако сте забележале дека во последно време нешто не е во ред, и дека се повеќе не можете да се концентрирате на нешто, откријте кои се вистинските причини за тоа…
Чувствителост или интолеранција на храна
Се чувствувате малаксало, безволно или без енергија. Време е да почнете да ја анализирате храната која ја внесувате во организмот, бидејќи можеби сте интолерантни на одредена храна. Некои намирници, освен на стомакот, може лошо да влијаат и на вашата енергија. Ако имате проблеми со концентрацијата, побарајте помош од нутриционистите и направете тест за чувствителност на храна.
Перфекционизам
Веројатно за тоа никогаш не сте размислувале, но желбата да имате се под контрола може да доведе до целосно лудило. Нормално е да сакате, се она што го работите, да го направите совршено, но исто така е потполно во ред и да не биде онака како што сте замислиле. Не дозволувајте непотребни работи да ве ограничуваат да бидете најдобри во вистинското време, заради недостаток на концентрација предизвикана од перфекционизам.
ПМС
Неколку дена пред менструацијата, жените влегуваат во период кога хормоните буквално лудуваат, поради што може да почувствувате вртоглавница, депресија, главоболка, па и нагон за повраќање. Точно е дека секоја жена предменструалниот период го доживува на свој начин, но ако спаѓате во групата на оние кои во тие денови концентрацијата им изостанува, обидете се со детоксикација на телото. Тие денови во исхраната треба да внесете повеќе овошје и зеленчук. Месото заменете го со риба, добри јаглехидрати и морски плодови, а избегнувајте чоколадо.
Лоша крвна слика
Ниското ниво на железо во организмот ја намалува когнитивната интелегенција. Заради тоа способноста за размислување, донесување заклучоци и забележување на работи околу себе, многу е мала. Ако не сакате трајни последици, неопходно е да ги земете работите во свои раце. Научниците тврдат дека четиримесечно внесување на намирници богати со железо може трајно да ја подобрат способноста за фокусирање.
Ваша “to do” листа
Сте седнале на маса, сте свариле чај и подготвени сте да ги реализирате своите планови. Но, одеднаш сте се сетиле на некои недовршени работи, или нешто сте сакале да го направите. Полека! Иако ви делува дека имате премногу концентрација, сепак треба да знаете дека тоа е „потрошен материјал„. Направете си листа на приоритети. Сигурно ќе се чувствувате подобро, попродуктивно. Набавете си роковник во кој ќе ги бележите своите обврски, ќе ги решавате една по една, задачите и ќе гледате како концентрацијата, а и волјата ви растат.
Кофеин не се консумира на празен желудник
Кога ќе го прескокнете појадокот и ќе испиете кафе на празен желудник, автоматски на телото му давате сигнал дека е време за кортизол, хормон на стресот. Овој систем организмот буквално го тера на преживување. Колку и да мислите дека вашиот омилен напиток ќе ве разбуди и ќе ве размрда, всушност нивото на внимание од тој момент е катастрофално. Заборавете го тоа! Направете си појадок богат со протеини, масти, јаглехидрати, нахранете го мозокот, па потоа уживајте во кофеинот.
Тргнете го мобилниот од маса
Сигурно многумина се согласуваат дека животот во 21. век не е можно да се замисли без паметен телефон, кој денес го има речиси секој човек. Според бројни психолози, првиот чекор за подобра концентрација е да се оддалечите од својот телефон кога сакате да бидете продуктивни. Додека работите, шетате или гледате филм, ставете го мобилниот подалеку од вас. Ако имате многу работа во канцеларијата, а погледот постојано ви е свртен кон телефонот, јасно дека од работата нема ништо. Концентрацијата на одредена работа или човек, сигурно ќе биде многу поголема ако овој уред не ви биде во близина, бидејжи знаете дека тој постојано бара внимание.
