Надуеноста на стомакот е честа, но и многу непријатна појава. Последиците може да бидат различни, вклучувајќи задржување на течности и силни гасови, што обично може да се реши со природни лекови и промена на начинот на живот. Задржувањето на течности може да биде последица на внесување на голема количина на сол. Многу индустриски произведени јадења содржат многу сол и други извори на натриум, па затоа секогаш прочитајте ја декларацијата со состојки.
Намалете го внесот на натриум на следниве начини:
- Избегнувајте месни преработки
- Купувајте храна со ниска содржина на сол. Побарајте леб, житарки, конзервиран и замрзнат зеленчук, путер и разни намази, сосови и супи со низок процент на сол.
- Не варете го зелечукот во солена вода
- Не додавајте сол и други производи на база на натриум кога готвите дома.
- Секој залак убаво изџвакајте го и внимавајте да не зборувате додека јадете. Силните ензими во устата помагаат при варењето.
- Јадете помали оброци.
- Избегнувајте газирани напитоци.
- Не пијте за време на оброкот. Течноста ја разредува желудочната киселина и ензимите, па со тоа се забавува минувањето на храната низ желудникот.
Избегнувајте јадења со многу скроб, како тестенини и компир, во ист оброк во кои јадете белковини или овошје. - Избегнувајте поголеми количини на мешунки, месна храна и сурово овошје и зеленчук, оти може да ја зголемат количината на гасови во цревата.
