Стручњаците од Американското здружение за срце потврдија дека лицата кои веднаш ќе почнат со тешки вежби и строг режим, како маратон, имаат 40% поголеми шанси да доживеат срцев удар.
Објаснувањето е јасно, ваквиот начин на срцето му создава силен притисок, оти не е “научено“ на така тежок тренинг, но ако се подготвувате за споменатиот маратон и почнете полека, како и што треба за секој почетник, долгорочно ќе го подобрите здравјето на срцето.
По проучување на 300 научни студии, стручњаците заклучиле дека поединците кои се вклучиле во аеробни активности, како што е пешачењето, возењето велосипед или пливањето, ги намалиле шансите за развој на срцев удар дури за 50%!
Водачот на студијата, Бари Франклин заклучил:
“Вежбањето е лек и на сите им е јасно дека умерената активност го подобрува кардиоваскуларното здравје. Сепак, повеќе, понекогап не е подобро и може да доведе до болести на срцето, особено кога се во прашање неактивни лица, како и оние кои имаат проблеми со срцето, но кои проблеми се уште не им се дијагностицирани.
Тој додава дека треба да се почне полека, од едноставни вежби и постепено да се развиваат способностите. Ова се однесува и на лицата кои можеби некогаш биле многу активни.
Пред да почнете со физичка активност, посетете лекар. Ако имате проблеми со срцето, тој најверојатно ќе ви направи некои тестови за да утврди колку физичка активност може да издржите.
Едно истражување докажало дека пешачењето кај срцевите болни има ист ефект како и програмите за рехабилитација во клиниките.
