Ако имате КОВИД-19, овие се симптомите што многу веројатно први ќе ги почувствувате

Новата варијанта на коронавирусот наречена омикрон се шири, а се чини дека е огромна причина за загриженост, бидејќи брзо се шири и научниците и понатаму не знаат колку може да биде опасна.

Појавата на новиот сој на коронавирусот предизвика проблеми низ светот, па иако научниците активно работата на проучување на вирусот, важно е да останеме свесни за ризикот што ни го носи и да се информираме за симптомите на болеста. Речиси неодамна пријавени случаи на болести се последица на високо заразниот делта сој, а се чини дека симптомите помеѓу нив и малку се разликуваат.

Симптомите на инфекција со делта варијантата се разликуваат во зависност дали сте вакцинирани.

Експертите велат дека симптомите може да се разликуваат во зависност од тоа дали сте вакцинирани. А токму овие симптоми најчесто се јавуваат кај вакцинираните со две дози:

  • Главоболка
  • Болка во грлото
  • Течење на нос
  • Температура
  • Кашлица

Се споредуваат со симптоми на настинка и вообичено се благи. Ако сте се вакцинирале, симптомите се слични на првата варијанта на вирусот, кашлицата може да биде упорна, но и главоболката и течењето на носот.

Други вообичаени симптоми според Центарот за превенција и контрола на болести (ЦДЦ) вклучуваат:

  • Температура
  • Кашлица
  • Отежнато дишење
  • Замор
  • Болка во телото
  • Губење на мирис и вкус
  • Болно грло
  • Запек
  • Мачнина
  • Повраќање
  • Пролив

Ако имате било какви симптоми кои не се вообичаени, добра идеја е веднаш да се тестирате, дури и ако сте вакцинирани и да останете дома.

АСИМПТОМАТСКИ СЛУЧАИ

Еден од раните симптоми на болеста е сè уште ист. „Како и со другите варијанти, се чини дека тоа е најчестиот симптом, кој се јавува рано или за време на болеста, особено кај млади и здрави луѓе – а тоа е дека нема никакви симптоми“, вели Крен Јубањик, професорка по медицина на Универзитетот Јеил. И додава дека тоа е тајната на ширењето на вирусот: многумина се асимптоматски и не се тестираат, па не знаат дека ја имаат болеста и затоа ја шират понатаму.

“Имаме околу 65 милиони Американци кои можеа да се вакцинираат, но тоа не го направија, така што сè уште има многу кои можат сериозно да бидат погодени од вирусот. Истото важи и во остатокот од светот – недоволно луѓе се вакцинирани и таму пандемијата е во полн ек. Токму поради овој факт е јасно дека во моментов имаме големо влијание врз заштитата на нашето здравје. Загрижен сум што не се вакцинирани доволно луѓе и дека сите можат да бидат заразени, така што можеме да очекуваме голем број нови случаи оваа зима, што не би било случај кога сите би биле вакцинирани“, додава експертот за вируси Мајкл Остерхолм.

КАКО ДА СЕ ЗАШТИТИТЕ

Следете ги сите инструкции дадени од експертите и помогнете да се стави крај на пандемијата, а притоа вакцинирајте се што е можно поскоро ако веќе не сте. Носете маски, избегнувајте гужви и затворени простори и мијте ги рацете што е можно почесто. Заштитете го вашиот живот, но и животите на другите.