Ако не можете да заспиете со запалено светло, еве што треба да знаете за здравјето  

Дали припаѓате на онаа група луѓе кои не можат да заспијат дури и кога светлото е придушено или меѓу оние на кои апсолутно ништо не им пречи?

И светлото од свеќа е доволно да го одложи или поремети сонот кај одредени луѓе – ова се резултатите од најновата студија. Некои луѓе се толку чувствителни, па дури и минимална светлина им пречи и може да предизвика несоница, а тоа е затоа што припаѓаат на групата луѓе кај која светлината предизвикува пореметување на хормонот на сон – мелатонин.

Истражувајќи на кои нивоа светлото влијае на луѓето истражувачите потврдиле различни нивоа на чувствителност кај одредени луѓе, па така некои од нив имаат за дури 58 отсто повисок праг на интолеранција од останатите.

Австралиски истражувачи го испитувале случајот на влијание на светлото врз сонот на луѓето и утврдиле дека некои од нив можеле да поднесат дури 60 пати посилно светло во однос на другите на кои и обично светло ги вознемирувало и им го реметело сонот.

Верувале или не, најмала светлина под која ни читањето не е возможно го реметело сонот на дури 50 отсто од учесниците во студијата.

Од друга страна, оние со највисока толеранција на светло не покажале намалување на мелатонинот, освен ако не биле изложени на светлина со таков интензитет како што е излегувањето на сонцето.

Чувствителноста на луѓето на интензитетот на светлина може да биде и потценет фактор во начинот на кој биолошкиот часовник влијае на нашето здравје, предупредуваат научниците.