Крвната група може да влијае на целиот ваш живот, а сепак постојат некои луѓе кои не знаат која крвна група сте. Но мошне е важно да го знаете тоа, затоа што може да ви го спаси животот.
Познавањето на крвната група може да ви го спаси животот
Во случај на сообраќајна несреќа, на пример, знаењето на крвната група би можело да ви го спаси животот ако ви е потребна трансфузија на крв. Утврдувањето на крвната група е мошне едноставно, а можете и доброволно да дарувате крв при што ќе ви ја одредат и крвната група.
Крвната група може да ви помогне во изборот на исхраната
Специфичната крвна група има предиспозиции кон одредени болести и се согласува со одредени намирници, па „да се јаде правилно за својата крвна група“ се однесува на обидот со внесената храна да го намалиме ризикот од можни болести и да го регулираме сопствениот метаболизам. Ваквиот начин на исхрана и теоријата за крвните групи е заснована на научна основа, но не е докажана, па повеќе постои како корисна информација која им користи и на болните и на здравите. Според теоријата, видот на протеини кој се наоѓа во храната во зависнот од типот на крвна група се однесува како антиген и доведува до хемиска реакција во допир со антигените од нашата крв и ги уништува.
Крвната група ја открива генетиката
Ако знаете која крвна група сте, подобро ќе разберете како вашето тело реагира на одредена храна, на кои болести сте склони, како реагирате на стрес, како стареете и сл.
Со помош на крвната група можете да направите најдобар начин на исхрана за вашиот организам, можете да дознаете на кои болести сте склони, па преку превентива на време да се заштитите од различни болести…
