Трансфузијата на крвта е едноставна медицинска процедура која лекарите ја употребуваат за да ја надоместат изгубената крв по повреда и крварење, и за надоместување на крвни клетки во случај кога од некоја причина клетките не се создаваат.
Како и сите други форми на лекување, и трансфузијата на крв треба да се применува само тогаш кога навистина е неопходна, односно кога не постои можност за ефикасно алтернативно лекување.
Крвната група се одредува според гените. Таа се наследува од родителите, со поеднакво влијание и од мајката и од таткото. Црвените крвни зрнца – еритроцити, кои од надвор се обложени со различни соединенија (протеини, јаглехидрати, аликопротеини) кои се нарекуваат антигени.
Постојат три главни антигени А, Б и О и можни комбинации на крвни групи: А, Б, АБ и О.
- Лицата кои имаат О или нулта крвна група се „универзални давачи„, бидејќи оваа група може да ја примаат сите.
- Крвната група А може да ја примаат само лица кои имаат А или АБ крвна група, крвна група Б лицата кои имаат Б и АБ крвна група.
- А или АБ крвна група може да примат само лица кои ја имаат, така да АБ група се „универзални примачи„.
Важно е да се напомене и дека лицата со негативен РХ фактор може да примат само крв од групата што одговара со негативен РХ фактор, додека лицата кои се РХ позитивни може да примаат крвна група и со негативен и со позитивен РХ фактор.
Тоа значи дека:
- Ако лицето кое има АБ крвна група и прими крв од било која друга крвна група нема да има проблем.
- Ако лицето кое има О крвна група прими било која освен сопствената, голема е веројатноста дека ќе дојде до голема хемолитичка реакција.
Доколку дојде до грешка и се појави хемолитичка трансфузиска реакција и имуниот систем на примачот ги нападне клетките од донираната крв, тие се кинат и распаѓаат, се ослободуваат многу опасни соединенија и лицата сериозно ќе се разболат. Може да дојде и до откажување на бубрезите, најпрво урината станува црвенкаста, па потоа бубрезите сосема престануваат да работат. Со бројни компликации, лицето паѓа во шок и умира. Во случај на трансфузија на погрешна крвна група, смртноста е многу висока доколку итно не се започне со лекување, а не е исклучена и ако се реагира веднаш.
