Без разлика дали е последица од алергија, настинка или премногу зборување, болното грло значи болка. Најлошиот дел од оваа состојба може да биде тоа што голтањето е многу отежнато, а токму во тие ситуации е неопходно да се внесуваат квалитетни намирници и течност за што побрзо да се опоравите од вирусот, бактеријата или алергијата.
Доколку размислувате што да изедете, најважно е таа храна да не ве иритира и да не ја влошува болката. Д-р Лиса Јонг открива кои намирници е паметно да се изберат.
- Овесна каша
Лекарката смета дека е најпаметно да се јаде храна која има нежна текстура и која лесно се голта, бидејќи така ќе се спречи иритација на грлото. Овесната каша е една од оние намирници кои ќе понудат доволно хранливи материи, па со секој залак ќе му помогате на вашето здравје. Истовремено, може да влијае на намалување на холестеролот, а е одличен извор на растителни влакна.
- Јогурт
Јогуртот е напивка со совршена текстура за сите кои имаат болки во грлото бидејќи лесно се голта, а пиењето ладно ќе помогне во ублажување на болката. И тој е полн со хранливи материи кои ќе ви помогнат да го одржите вашето тело здраво додека се борите со причината за вашето болно грло. Содржи и калциум и протеини. Пробиотиците од јогурт ќе го зајакнат имуниот систем и ќе ги одржат цревата здрави и ќе спречат во нив да се развијат лоши бактерии, а една студија покажува дека пробиотиците може да помогнат и при превемција на болно грло.
- Пилешка супа
Пилешката супа нуди антивоспалителни својства кои ги олеснуваат симптомите на настинка, велат научниците. Топлата храна ќе ја смири и болката во грлото, а супата ќе спречи и иритација. Покрај тоа, таа е течност која му е потребна на телото кога човек е болен, а бидејќи содржи многу натриум, ќе помогне да се надоместат електролитите.
- Сладолед
Ако сте ги извадиле крајниците како дете, се сеќавате дека во болница ви понудиле и сладолед за појадок, ручек и вечера. За тоа има причина – сладоледот ќе му обезбеди течност на телото, а ќе го намали и чувството на болка. Според Medical News Today, сладоледот ќе помогне и во намалување на температурата на нервните завршетоци во грлото.
