Акупресурата може да помогне при болни менструации

Акупресурата се базира на древен кинески метод на лекување кој подразбира стимулација (притисок со прстите) на соодветни акупресурни точки на телото

Неодамнешна германска студија покажала дека акупресурата ефикасно би можела да ги ублажи менструалните болки. Акупресурата се базира на древен кинески метод на лекување кој подразбира стимулација (притисок со прстите) на соодветни акупресурни точни на телото кои се наоѓаат на таканаречените меридијани, односно „енергетски канали“.

Акупресурата се базира на древен кинески метод на лекување кој подразбира стимулација (притисок со прстите) на соодветни акупресурни точни на телото

Во споменатата студија учествувале 220 жени, на возраст од 18 до 34 години кои редовно пателе од болни менструации. Биле поделени во две групи: првата добила кратка обука за акупресура, како и апликација за паметни телефони чија цел било да им помогне на учесничките да продолжат со акупресура на три целни акупресурни точки, додека другата група била контролна и жените од оваа група воопшто не користеле акупресура.

После 3 месеци 37 отсто од испитаничките од првата група пријавиле дека нивните менструални болки се двојно помали од кога почнале со примена на акупресура. После 6 месеци, дури 58 отсто од жените од првата група ја потврдиле ефикасноста на акупресурата во ублажувањето на болките. Учесничките од првата група, исто така, користеле помалку лекови против болки отколку учесничките од втората група. По завршувањето на истражувањето дури две третини од жените од првата група продолжиле со примена на акупресура со цел ублажување на менструалните болки.