Алкохол пред и за време на циклус – НЕ!

Постои една теорија дека чаша вино може да ги ублажи менструалните болки, но гинеколозите не би се согласиле со ова, имаат и добри причини.

Алкохолот не се препорачува во деновите кога ве измачуваат менструалните болки, а истото важи и за периодот кога се соочувате со ПМС. Значи, ако ве измачува променливо расположение, мачнина или менструални болки, не би требало да се напиете ни голтка алкохол зашто дури и умереното количество може негативно да влијае врз менструалниот циклус.

Факт е дека ова тврдење не може да се третира како апсолутна вистина бидејќи се потребни дополнителни истражувања, но добро е познато дека алкохолот има влијание врз хормоните во телото. Токму заради ова и ПМС симптомите, како и болките можат да станат уште поизразени. Истото важи и за променливото расположение, кое е чест симптом на ПМС. Алкохолот може да ги засили и симптомите како главоболка, мачнина и чувствителност на градите.

Она што треба да се знае е дека консумирањето алкохол пред менструалниот циклус може да ја подрани или да направи менструацијата да доцни. Причината за ова е хистаминот – хемикалија што ја произведува имунолошкиот систем, а чие лачење алкохолот го поттикнува. А преголемото количество во организмот може да влијае врз овулацијата.

Освен ова за време на менструација е намалена толеранцијата на алкохол кај жените, што значи дека може да се напиете со многу помало количество од што вообичаено можете да поднесете.

Алкохолот може и да ве дехидрира, но и да ја направи менструацијата многу пообилна; а доколку поради болките посакате да се напиете таблета алкохолот ќе ја намали ефикасноста.

Сето ова не значи дека алкохолот е строго забранет, но не е пожелно да се претерува. Една чаша е во ред, ама само една.