Алкохолна цироза на црн дроб

Постојат низа различни причинители на цирозата, но еден од почестите е прекумерната употреба на алкохол која со своето токсично делување предизвикува масна инфилтрација на црниот дроб и неповратно оштетување на хепатоцитите.

Цирозата на црн дроб е хронична, прогресивна болест која се карактеризира со пропаѓање на клетките на црниот дроб, создавање на фиброзно ткиво и пореметување на циркулацијата во црниот дроб, што го отежнува функционирањето на овој витален орган.

Постојат низа различни причинители на цирозата, но еден од почестите е прекумерната употреба на алкохол која со своето токсично делување предизвикува масна инфилтрација на црниот дроб и неповратно оштетување на хепатоцитите.

Ова заболување е проследено со малаксаност, хроничен умор, нагло намалување на телесната тежина, честа зголемена телесна температура и жолтица која се јавува по натрупување на билирубин во крвта. На лицето, градниот кош и на рацете се појавуваат црвени точкести дамки од кои се разгрануваат капилари, на дланките се јавува зголемено црвенило.

Ова се воедно и први симптоми на цироза на црниот дроб, додека во напреднат стадиум на болеста доаѓа до собирање и задржување на течности во стомакот. Симптоми кај мажите може да се бидат и атрофија на тестиси, намалена влакнетост по кожата и гинекомастија (болно зголемување на градите). Доколку дојде до оштетување на мозокот, настапуваат и психички промени во вид на депресија, анксиозно пореметување, конфузија, намалување на моќта на расудување и есенцијален тремор.

Многу често болните покажуваат отпор кон лекувањето. Со фармакотерапијата според препораките на лекарот се ординира и индивидуална и групна психотерапија. Активното вклучување во групи за поддршка (клуб на анонимни алкохоличари) се само некои од социотераписките пристапи во лекувањето кое е долго и континуирано.