Анксиозноста ја следи чувство на непријатност кое е потполно неосновано и понекогаш иако немаме ни најмала причина за грижи правиме драма. Мошне е тешко да се остане фокусиран на важни работи, па често се јавува и нервоза. Модерниот, забрзан начин на живот е главен виновник за појавата на таквата состојба која денес се почесто се јавува.
Еве неколку ефикасни чекори за ублажување на оваа состојба.
Одморете
Ако чувствувате дека мислите ви се натрупани со вознемирувачка содржина, најдете некое удобно и мирно место. Оддалечете се од луѓето на неколку минути и одморете.
Замижете
Кога ќе се сместите удобно, затворете ги очите и обидете се да се опуштите. На почетокот ќе биде тешко да се смирите и да ги синхронизирате телото и умот, но со вежбање се се постигнува. Штом ќе замижите изолирани сте од светот, а тоа ви дава можност да се фокусирате на своите мисли.
Почувствувајте го сопственото тело
Додека седите или лежите со затворени очи почувствувајте како телото ви се движи со секое вдишување. На овој начин му помагате на телото да се чувствува подобро.
Фокусирајте се на дишењето
Длабоките вдишувањата ќе го намалат нивото на стрес и ќе помогнат потполно да се опуштите. Со секое ново вдишување ќе чувствувате како бесот и непријатноста ве напуштаат.
Ослободете ги мислите
Ако ве обземаат проблеми обидете се барем на неколку минути да не размислувате за нив. Ослободете се и фоксуирајте се на сегашниот момент и на дишењето.
Трпение, пред се
Понекогаш опуштањето е изненадувачки тешка работа. Но доколку сакате да си го зачувате здравјето и умот практикувајте ја оваа техника секој ден, затоа што колку почесто се обидувате толку поуспешни ќе бидете.
Размислувајте позитивно
Бидејќи ако мислите ви се убави и мирни, тоа ќе се одрази и на однесувањето.
