Асимптоматските пациенти имаат иста количина на коронавирус како и симптоматските

Лицата заразени со новиот коронавирус имаат слична количина на тој патоген во носот, грлото и во белите дробови, без разлика дали имаат или немаат симптоми, објавија вчера јужнокорејските научници.

Студијата објавена со научното списание ЈАМА Internal Medicine е важен доказ дека и асимптоматските болни може да пренесат КОВИД-19.

Научниците од медицинскиот факултет во Јужна Кореја, предводени од проф. Сеунгјае Лем анализирале податоци од 303 лица во периодот од 6. до 26. март, по избивање на епидемија во црква. Во групата биле и поединци на возраст од 22 до 36 години и две третини жени. Од нив 193 лица биле асимптоматски, а 110 биле симптоматски пациенти.

Меѓу оние кои на почетокот биле асимптоматски, 89 никогаш не развиле никакви симптоми или вкупно 30 проценти. Ова откритие покажува колку заразени се навистина асимптоматски, наместо “предсимтоматски“ ( за кои само се претпоставува дека немаат симптоми), што збунува.

На сите им се земени примероци во регуларни интервали по осмиот ден на изолација и имале споредливи вредности на генетски материја на коронавирусот во горните и долните дишни патишта.

Просечното време во кое пациентите станувале негативни било пократко за оние кои биле асимптоматски во однос на симптоматски: 17 дена во споредба со 19,5 дена.

Авторите велат дека нивното откритие “укажува на биолошка условеност“ на асимптоматскиот пренос на болеста.

Но, предупредуваат дека студијата се занимавала само со количината на присутниот вирусен материјал и не се обидувала да ги следи пациентите како би се утврдило на кој начин тоа се одразува на ширењето на коронавирусот.