Иако официјално лошата хигиена на забите и устата не се наведува како причина за заболувања, се поголем е бројот на студии кои ја покажуваат врската меѓу оралното и општото здравје.
Милијарди бактерии во устата
Имено, повеќе различни истражувања покажале дека бактериите од забните наслаги влијаат на зголемените вредности на шеќер во крвта, како и дека доведуваат и до зголемување на крвниот притисок. Објаснувањето на оваа појава е едноставно: Во устата постојат околу 30 вида микроорганизми, а еден грам забен плак содржи и до 220 билиони бактерии. Тие ги оштетуваат непцата, забната глеѓ, коската, а некои производи и егзотоксини кои имаат системско делување на организмот. Истражувањата покажале дека возрасните луѓе кои имаат отечени непца, кои благо или спонтано крвават, имаат статистички значително полоши резултати при тестирањето на меморијата и когнитивните функции. Бројни истражувања ја потврдуваат повразноста на гингивитисот со ревматоидниот артритис, од кого страдаат зглобовите, кожата и бубрезите. Според статистиката, повеќе од 30 отсто од луѓето кои имаат дијабетес, имаат и заболувања на забите и непцата. Личностите со зголемени вредности на шеќер во крвта имаат предиспозиција да развијат инфекции во устата, а самите заболувања на непцата и забите ги зголемуваат вредностите на шеќерот во крвта. Така, доаѓа до маѓепсан круг во кој зголемените вредности на глукоза го отежнуваат излекувањето на инфекцииите, а самата инфекција го отежнува доведувањето на вредностите на глукоза во рамки на референтните вредности, дури и покрај сета примена терапија. Кај пациентите со нерегулирани вредности на шеќер во крвта, дури и вадењето на заби може да се искомплицира со тешки инфекции на усната шуплина. Затоа е важно дијабетичарите да ја одржуваат хигиената на усната шуплина на добро ниво затоа што докажано е дека во таквите случаи е значително пониско нивото на гликозиран хемоглобин (HbA1c), кој е параметар за добра или лоша контрола на дијабетесот.
Врска со хипертензијата
Врската меѓу болестите на непцата и забите е потврдена и кај зголемениот крвен притисок. Личностите кои патат од хипертензија многу често имаат лоша орална хигиена. Експериментално е докажано намалување на вредностите на зголемениот крвен притисок кога хигиената на устата и забите се одржува на задоволително ниво. Истражувањата, исто така, покажуваат дека личностите кои одржуваат добра хигиена на забите имаат и други добри навики. Имено, тие почесто се бават со спорт, поздраво се хранат, посетуваат редовно не само стоматолог, туку и доктори од други специјалности.
Здивот не е само од нехигиена
Нередовното миење на забите и слабата орална хигиена често подразбираат и лош здив или халитоза. На тој начин пациентот често не е само здравствено загрозен, туку тоа значително може да влијае и на неговиот социјален живот. Сепак, како што посочуваат лекарите, би требало да се има на ум дека халитозата не е секогаш резултат на недоволна орална хигиена, туку може да укажува и на сериозни пореметувања во организмот.
