Податоците објавени неодамна во Англија покажуваат дека најголемиот број спонтани породувања се евидентирани во 04:00 часот, односно во периодот од 01:00 до 07:00 часот. Наодите на научниците од Универзитетскиот колеџ во Лондон се добиени со анализа на медицински истории на пет милиони породувања кои се случиле во периодот меѓу 2005 и 2014 година.
Истовремено, анализите покажале и дека планираните породувања со царски рез најмногу се прават за време на викенди во утринските часови, а породувањата со провокација околу полноќ.
Она што е посебно интересно е дека над 70 % од породувањата се случуваат надвор од регуларното работно време.
Новите наоди, научниците ги направиле со цел да бидат употребени за оптимизација на работното време на лекарите и на медицинскиот помошен персонал по гинеколошките болници.
