Докажано е дека позитивниот став кон животот го намалува ризикот од срцев или мозочен удар за неверојатни 35 проценти. Последната студија укажала на тоа дека оптимистите меѓу другото имаат и за 14 отсто помали шанси да умрат порано, без разлика на причините за смртта.
Луѓето кои размислуваат позитивно повеќе вежбаат и се хранат здраво, а на тој начин го штитат сопственото здравје, потврдува студијата. Освен тоа и полесно се носат со стресот и анксиозноста – главни причинители на кардиоваскуларните заболувања.
Студијата покажала и дека кај лицата кои живеат во благосостојба, кои се со подобар финансиски статус, драстично е намален факторот на ризик од појава на болести како што се зголемен крвен притисок и холестерол.
