Еден од најдобрите начини да се изборите со некоја болест е да ја откриете во рана фаза, кога е можно да се излекува. Проблемот е што често знаците за предупредување за многу видови рак, на пример, главно се мошне благи, па со самото тоа се и често занемарливи.
Ако мокрите често, особено ако во текот на ноќта имате итна потреба да појдете во тоалет или не можете да почнете со мокрење и слаб млаз, појдете на лекар од претпазливост. Зголемена простата и рак на простата обично ги предизвикуваат овие симптоми, па не е на одмет да направите анализа на крвта.
Промени на тестисите
Ако забележите зголемување, израсток или каква било промена на тестистите не го одложувајте одењето на лекар.
Крв во урината или столицата
Ова може да се знаци за рак на бешиката, бубрезите или дебелото црево. Обавезно појдете на лекар ако забележите крв во урината или столицата, ако не е рак може да укажува на проблем со хемороиди или инфекции на уринарниот тракт.
Промени на кожата
Кога ќе забележите промена на големината, обликот или бојата на младеж појдете на лекар затоа што чудните форми на младежи може да се симптом на рак на кожата.
Промени во лимфните јазли
Оток на лимфните јазли, испапчување во облик на жлезда на вратот, под пазувите или други места често е знак дека нешто се случува во телото, па не е на одмет да направите соодветни испитувања.
Отежнато голтање
Ако имате проблем со голтањето, а при тоа и слабеете или повраќате, не е лошо да направите контрола на грлото или желудникот.
Жарење
Овој симптом може да биде поврзан со многу промени во исхраната, навиките во консумирање алкохол или нивоата на стрес, но може да биде поврзан и со рак на грлото или стомакот.
Промени во устата
Веќе знаете дека ако пушите имате поголеми шанси да добиете рак на усната шуплина. Посветете внимание на евентуалните бели или црвени места во усната шуплина.
Промени на градите
Мажите ги игнорираат промените на градите и јазлите кои се јавуваат затоа што сметаат дека ракот на дојка е нешто што првенствено им се случува на жените. Меѓутоа ова заболување и тоа како ги погодува и мажите.
Умор
Многу видови рак на коските се поврзани со постојан умор, кој влијае на вашиот секојдневен живот што никако не смеете да го игнорирате.
Кашлица
Кај непушачите ненадејната кашлица речиси никогаш не укажува на рак, но ако останувате без здив додека кашлате или искашлувате крв не го одложувајте одењето на лекар.
Болка во стомакот и депресија
Ова е редок симптом, но депресијата заедно со болката во стомакот може да биде знак за рак на панкреас.
